Luka 2:11 - IBAYIBOLO 2024

¹¹ Pakuti ubusiku ubu mukaya aka Devedi mupapiwemo Umupoki winyu, yuyo we Kilisitu u Mwene!

Ulufingo Ulupya

¹¹ Pakuti ubusiku ubu mukaya aka Devedi mupapiwemo Umupoki winyu, yuyo we Kilisitu u Mwene!

Luka 2:11 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Masalimo 2:2

Abamwene aba pachisu ichapasi basambukite, sona bope abalaghili babunganite poka pakumusambukila u Mwene poka nu Mupakiwa wache.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Matayi 1:21

Akwiza pakupapa umwana umulumendo nukumwita ukuti we Yesu, pakuti weyuyo akwiza pakupoka abantu kumbibi zyabo.”

Matayi 16:16

U Simoni Pitala akamula akati, “Awe we Kilisitu, u Mwana uwa Chala umumi.”

Matayi 16:20

Po u Yesu akabasoka abamanyili bache ukuti batakamubuzyepo nayumo umuntu ukuti we Kilisitu.

Luka 1:43

Nkimba ne wenu ane ukuti unyina uwa Mwene wane anyendele?

Luka 1:69

Atupa Umupoki uwamaka, uwaluko uwa mubombi wache u Devedi.

Luka 2:26

U Muzimu Umuzelu akamusimikizizya ukuti atakafwanje bo atamwenizye u Kilisitu uwa Mwene.

Luka 2:4

U Yosefu akafuma mukaya aka Nazaleti muchigaba icha Galileya nukubuka kukaya aka Betelehemu muchigaba icha Yudeya, kubuzilo bubo u Mwene u Devedi akapapiliwako, u Yosefu akabuka kulakula pakuti akaba waluko ulwa Devedi.

Yohani 1:41

Umwalubilolubilo akamwagha uwamwabo u Simoni nukumubuzya ukuti, “Twamwagha u Mesiya.” (Mesiya kokuti Kilisitu.)

Yohani 1:45

U Filipu akamwagha u Nataniyele nukumubuzya ukuti, “Twamwagha yuyo u Mozesi akasimba mwibuku ilya Ndaghilo, sona yuyo abalaghuzi bakasimba ni zyache. We Yesu uwamu Nazaleti, umwana uwa Yosefu.”

Yohani 11:27

U Malita akamwamula akati, “Eee, Mwene, nkusubila ukuti awe we Kilisitu, u Mwana uwa Chala, yuyo bakatinji akwiza muchisu ichapasi.”

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Yohani 4:25

Umukolo akanena nawe akati, “Inzimenye ukuti u Mesiya akwiza, po bo iza, akwiza pakutubuzya vyosi.”

Yohani 4:42

po bakamubuzya umukolo yula bakati, “Tutakusubila pachifukwa icha vivyo utubuzizye, loli pachifukwa ichakuti twiyivwila twebene kukwache, sona tumumenye ukuti uyu Mupoki uwa chisu ichapasi.”

Yohani 6:69

Losi ulu tukusubila nukumanya ukuti awe we Muzelu yuyo afuma kwa Chala.”

Yohani 7:41

Abanji bakati, “Uyu we Kilisitu.” Loli abamwabo bakati, “Umupoki yula atangafuma muchigaba icha Galileya!

Imbombo 10:36

Mughamenye amazyu ghagho u Chala akabatumila aba Izilayeli, pakubabuzya Amazyu Amiza aghamutende ukwendela mwa Yesu Kilisitu, yuyo we Mwene uwa bosi.

Imbombo 13:23

Akaba we Yesu, uwaluko ulwa Devedi, yuyo u Chala akamubika pakuba Mupoki uwa ba Izilayeli ukuyana ni layizyo lyache.

Imbombo 17:3

nukusimikizya ukuti Umupoki umusaliwa yula abaghiye pakuyimba nkani nukuzyuka kubufwe. U Pabuli akati, “U Yesu yunuyu yuyo nkulumbilila pakasi papinyu, we Kilisitu.”

Imbombo 2:36

“Ilelo aba Izilayeli bosi naloli bamanyaghe ukuti u Yesu uyu, yuyo mukumukomela pachipinjika, weyuyo u Chala amubika pakuba we Mwene, sona we Kilisitu!”

Imbombo 5:31

U Chala akamukwezya nukumubika munyobe izya nyobe yache indilo ukuti abanje Mulongozi nu Mupoki, pakubapa ulusako aba Izilayeli ukuti bapinduke nukuhobokeliwa imbibi zyabo.

1 Aba Kolinti 15:47

Umuntu wakwanda yula, akamatiwa ni tope ilya muchisu ichapasi. Loli umuntu uwabubili yula akafuma kumwanya.

Aba Filipi 2:11

Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene umwakuti u Chala u Tata apokele ubuchindamu.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

Aba Kolosi 2:6

Pakuti mwamwitika Kilisitu u Yesu pakuba we Mwene, po mwendelele pakwikala mukumamatilana poka nawe.

1 Yohani 4:14

Aswe twennya nukuzisimikizya ukuti u Tata akatuma u Mwana wache pakuba Mupoki uwa bantu aba muchisu ichapasi.

1 Yohani 5:1

Umuntu wesi yuyo akusubila ukuti u Yesu we Mesiya umusaliwa yula, kokuti mwana uwa Chala. Sona umuntu wesi yuyo amughanite u Wise, abaghanite sona na bana bulo.