Luka 19:44 - IBAYIBOLO 2024

⁴⁴ Bakwiza pakukuzimizya poka na bantu bako bosi. Bakwiza pakumongolannya ivibumba vyosi, sona batakwiza pakulileka nalimolimo ibwe palyamwabo, pakuti utakakaghannya akabalilo kako u Chala akalondagha pakukupoka.”

Ulufingo Ulupya

⁴⁴ Bakwiza pakukuzimizya poka na bantu bako bosi. Bakwiza pakumongolannya ivibumba vyosi, sona batakwiza pakulileka nalimolimo ibwe palyamwabo, pakuti utakakaghannya akabalilo kako u Chala akalondagha pakukupoka.”

Luka 19:44 Iomraidhean Croise

Masalimo 137:9

Musayiwa umuntu yuyo akutusenda utwana twinyu nukutukomezya pilyabwe.

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yesaya 29:3

Nkwiza pakukuzyungulila na basilikali, po nkwiza pakubazyungulila ni chitembe, sona nukukumba amalinga aghakuvwamamo

Yelemiya 11:23

Atakwiza pakuponapo nayumoyumo pachifukwa ichakuti nkwiza pakubawisizya intamyo abantu aba ku Anatoti, mumwaka wabo uwa lufundo.”

Nkuto 1:8

U Yelusalemu abomba imbibi, sona inyazya mwene. Bosi babo bakamuchindikagha, ilelo bakumusamula, pakuti bamwennya namumo abeleye nkule. Akukoloma nukuvwinka icheni chache.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Matayi 24:2

U Yesu akati, “Eee, mwenelezye akiza vyosi ivi. Naloli nkubabuzya ukuti nalimolimo ibwe lilyo likwiza pakusyala pamwanya pa lyamwabo; lyosi likwiza pakugumuliwa.”

Maliko 13:2

U Yesu akamula akati, “Nkimba ukwennya inyumba inkulu izi? Nalimolimo ibwe lilyo likwiza pakusyala pamwanya pa lyamwabo; lyosi likwiza pakugumuliwa.”

Luka 1:68

“Amapalo ghabanje kwa Mwene, u Chala uwa ba Izilayeli, pakuti iza pakubavwa abantu bache nukubasatula.

Luka 1:78

U Chala witu wachisa nkani. Akwiza pakututumila ulukozyo ulwa kumwanya,

Luka 19:42

nukuti, “Wee, nanti bulo ilelo wachimenye chicho chikwiza nu mutende. Loli, awe, ilelo amaso ghako ghatangachennya.

Luka 21:6

“Akabalilo kakwiza kako vyosi vivyo mukuvyennya vikwiza pakumongoliwa. Nalimolimo ibwe lilyo likwiza pakusyala pamwanya pa lyamwabo, lyosi likwiza pakugumuliwa.”

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.