Luka 19:12 - IBAYIBOLO 2024

¹² Po akati, “Kukabako umuntu yumo uwapamwanya, yuyo akabukagha kuchisu ichakubutali ukuti imikiwe pakuba we mwene, po akabwela kunyumba bo bamwimika.

Ulufingo Ulupya

¹² Po akati, “Kukabako umuntu yumo uwapamwanya, yuyo akabukagha kuchisu ichakubutali ukuti imikiwe pakuba we mwene, po akabwela kunyumba bo bamwimika.

Luka 19:12 Iomraidhean Croise

Matayi 21:38

“Loli bo abalimi bala bamwennya umwana yula, bakanda pakunenezannya ukuti, ‘Yunuyu mwana wache, yuyo akwiza pakupyana ichilingo icha wise. Zagha tumughoghe umwakuti ichilingo chibanje chitu.’

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Maliko 12:1

Po u Yesu akanda pakunena nabo muvyili akati, “Kukabako umuntu yumo yuyo akabyala amampesya mumughunda wache, akaghuzengelela ulupaso umwakughuzyungulila, akakumba ichiliba ichakukanyilamo amampesya nukuzenga ichitembe. Akabazimya abalimi abanji, po umwenecho akanyamuka nukubuka kuchisu ichinji.

Maliko 16:19

Bo u Mwene u Yesu amala pakunena nabo, akasendiwa pakubuka kumwanya nukwikala kunyobe indilo iya Chala.

Luka 20:9

Po u Yesu akabataghila abantu bala ichili ichi, “Kukabako umuntu yumo, yuyo akabyala amampesya mughunda wache. Akabazimya abalimi abanji, po umwenecho akafumapo nukwikala kulakula akabalilo akatali.

Luka 24:51

Bo akubasaya, akatantama panandi nukusendiwa ukubuka kumwanya.

Yohani 18:37

Po u Pilati akamulalusya akati, “Nkimba we Mwene?” U Yesu akamula akati, “Momumo mo wanenela ukuti ane ne Mwene. Nkapapiwa nukwiza muchisu ichapasi ukuti imbusimikizye ubwanaloli. Umuntu wesi yuyo ali pa bwanaloli, akwivwila amazyu ghane.”

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

1 Aba Kolinti 15:25

Pakuti u Kilisitu alaghilaye mupaka papo u Chala ababika abalwani bache kusi kunyayo zyache.

Aba Hebeli 9:28

Umwakuyana bulo, u Kilisitu wepe akabikiwa lyoka bulo ukuti chibanje chakwiyipa ukwefya imbibi izya bantu abinji. Akwiza pakuboneka akabubili, pate pakwefya imbibi pene, awe, loli ukuti abapoke abantu babo bakumulindilila.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.