Luka 18:32 - IBAYIBOLO 2024

³² Akwiza pakubikiwa munyobe izya bantu babo bate ba Yuda, babo bakwiza pakumobezya, nukumutuka, sona nukumufwinila amati.

Ulufingo Ulupya

³² Akwiza pakubikiwa munyobe izya bantu babo bate ba Yuda, babo bakwiza pakumobezya, nukumutuka, sona nukumufwinila amati.

Luka 18:32 Iomraidhean Croise

Yesaya 50:6

Nkabapa inyuma yane babo bakankomagha, sona na masaya ghane, ku babo bakunyunkula indevu zyane, intakafisa icheni ku bantu, babo bakansamulagha nukunfwinila amati.

Yesaya 52:14

Abinji bakwiza pakuswigha bo bakumwennya, po akabonekele kache kakananganika nkani, po atakabonekagha ngati muntu.

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Mika 5:1

Mwee bantu aba mu Yelusalemu, babungannye abasilikali binyu! Pakuti abalwani batuzyunguliye nubwite. Bakulwa ubwite nu mulongozi uwa Izilayeli.

Matayi 16:21

Ukwandila pakabalilo kalakala u Yesu akanda pakubabuzya abamanyili bache umwakwivwika ukuti, “Imbaghiye pakubuka mu Yelusalemu nukuyimba nkani na balongozi aba Chiyuda, na baputi abasongo, sona na bamanyisi aba Ndaghilo. Nkwiza pakughoghiwa, loli nanti ghachilapo amasiku matatu nkwiza pakuzyuka kubufwe.”

Matayi 20:19

nukumubika munyobe izya bantu babo bate ba Yuda, babo bakwiza pakumobezya, ukumusyempa nukumukomela pachipinjika. Loli bo ghachilapo amasiku matatu, akwiza pakuzyuka kubufwe.”

Matayi 22:6

abanji bakabalema abambombo bala, bakabakoma nukubaghogha.

Matayi 26:67

Po bakamufwinila amati kumaso nukumukoma. Abanji bakamukomagha na mapi,

Matayi 27:2

Bakamupinya ni mpingu nukubuka nawe nukumubika munyobe izya Pilati, umulaghili uwa Chiloma.

Maliko 14:65

Bamo bakanda pakumufwinila amati u Yesu, bakamuzigha kumaso nukumukoma na mapi. Bakati, “Sakizya, wewenu akukoma!” Abalindilili bakamusenda nukumukoma.

Maliko 15:1

Pandabindabi nkani abaputi abasongo bosi, na balongozi aba Chiyuda, sona na bamanyisi aba Ndaghilo na balongi bosi bakakomana poka nukunenezannya benebene nizya Yesu. Bakamupinya u Yesu nukubuka nawe kwa Pilati.

Luka 18:33

Bakwiza pakumusyempa nukumughogha, loli bo ghachilapo amasiku matatu, akwiza pakuzyuka kubufwe.”

Luka 23:1

Ichilundilo chosi chikanyamuka nukubuka nu Yesu kwa Pilati,

Luka 23:11

U Helodi na basilikali bache ababwite bakamobezya u Yesu nukumutuka. Po bakamuvwika inkazo inyiza nukumutuma sona kwa Pilati.

Luka 23:35

Abantu bakimilila palapala pakwennya bo abalongozi aba Chiyuda bakumobezya u Yesu ukuti, “Akabapokagha abantu abanji, muleke wepe ipoke mwene nanti we Kilisitu yuyo u Chala akamusala.”

Yohani 18:22

Bo u Yesu anena zinizi, umusilikali weka yuyo akimilila palapala akamukoma na mapi ukuti, “Nkimba unganena bunubu ku muputi usongo?”

Yohani 18:28

Pandabindabi nkani, u Yesu akasendiwa munyumba iya Kayafa nukubuka nawe kunyumba iya mwimilili uwa chigaba. Abalaghili aba Chiyuda batakinjila mukasi pakuti batakalondagha ukwinyazya, umwakuti bangasekelela nabo Ulusekelo ulwa Pasa.

Yohani 18:30

Bakamwamula bakati, “Nanti umuntu uyu atakabanga ninongwa, ngali tutizite nawe kukwako.”

Yohani 18:32

Zinizi zikabombiwa ukuti amazyu ghagho u Yesu akanena ghakwanilisiwe, amazyu ghagho ghakunena nizya bufwe bwache.

Yohani 18:35

U Pilati akamula akati, “Nkimba ukwinong'ona ukuti ane ne mu Yuda? Bakaba baluko lwako na baputi abasongo babo bakakubika kukwane. Nkimba unangite ichoni?”

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Imbombo 3:13

U Chala uwa Abulahamu nuwa Yisaki sona nuwa Yakobo, u Chala uwa banyenya bitu weyuyo akamupa umubombi wache u Yesu ubuchindamu. Loli mukamubika munyobe izya balwani nukumukana pamaso pa Pilati, napapo u Pilati akalondagha pakumusatula.