Luka 18:30 - IBAYIBOLO 2024

³⁰ akwiza pakupokela ivintu ivyinji ukuchilapo akabalilo aka, sona akwiza pakupokela ubumi ubwa bwila na bwila pakabalilo kako kakwiza.”

Ulufingo Ulupya

³⁰ akwiza pakupokela ivintu ivyinji ukuchilapo akabalilo aka, sona akwiza pakupokela ubumi ubwa bwila na bwila pakabalilo kako kakwiza.”

Luka 18:30 Iomraidhean Croise

Yobu 42:10

Bo u Yobu abiputila abamanyani bache, u Mwene akamonjelezyapo kabili ichuma ukuchila vivyo akaba navyo pabwandilo.

Masalimo 119:103

Mwee, amazyu ghako manoni nkani mumulomo wane, manoni nkani ukuchila ubuchi!

Masalimo 119:111

Amalamulo ghako mpyana yane iya bwila na bwila, pakuti ghakughuhobosya umoyo wane.

Masalimo 119:127

Naloli pakuti ingaghanite amalamulo ghako, ukuchila ugolide umwenecho,

Masalimo 119:162

Nkusekela nizyu lyako, ngati muntu yuyo abwagha ubukabi.

Masalimo 119:72

Ululaghilo lwako lulo ukukumbusya, lo lwapamwanya nkani kukwane, ukuchila isalabazya amasabuzani agha siliva nu golide.

Masalimo 37:16

Utunandi tuto umugholosu ali nato, tukubuchila ubukabi bubo umuntu umubibi ali nabo.

Matayi 12:32

Umuntu wesi yuyo akumunenela u Mwana uwa Muntu ivintu ivibibi, akwiza pakuhobokeliwa. Loli umuntu wesi yuyo akumunenela u Muzimu Umuzelu ivintu ivibibi atakwiza pakuhobokeliwa nalumolumo ukwandila pakabalilo aka mupaka pakabalilo kako kakwiza.”

Matayi 4:24

Imbili iya Yesu yikasata muchisu chosi icha Siliya, umwakuti abantu bakiza kukwache na babine bosi babo bakaba nu bubine ubwakulekanalekana, na babo bakivwa ububavu mu mabili ghabo—abantu babo bakaba ni mizimu imibibi, abavizilisi na babo bafuye ivinama, po u Yesu akabapozya bosi.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

1 Timoti 6:6

Ukwiputa kwa Chala, naloliloli kukumupela umuntu pakuba mukabi, nanti akwikuta na vivyo ali navyo.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.