Luka 18:23 - IBAYIBOLO 2024

²³ Loli bo umuntu yula ivwa zinizi, akaba ni chitima pachifukwa ichakuti akaba mukabi nkani.

Ulufingo Ulupya

²³ Loli bo umuntu yula ivwa zinizi, akaba ni chitima pachifukwa chakuti akaba mukabi nkani.

Luka 18:23 Iomraidhean Croise

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Matayi 19:22

Bo umulumendo yula ivwa zinizi, akabuka ni chitima pachifukwa ichakuti akaba mukabi nkani.

Maliko 10:22

Bo umuntu ivwa zinizi, icheni chache chikasiluka, akabuka ni chitima pachifukwa ichakuti akaba mukabi nkani.

Luka 12:15

Po akendelela pakubabuzya abantu bosi akati, “Muchebaye, sona mutakabanje nu bupafu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 18:24

U Yesu akennya ukuti umuntu yula akaba ni chitima, po akati, “Chipala nkani ukuti abantu abakabi binjile mu Bumwene ubwa Chala.

Luka 19:8

U Zakeyu akimilila nukumubuzya u Mwene ukuti, “Ivwa kuno, Mwene! Nkwiza pakubapa pakasi na pakasi ivyuma vyane abantu abapina, sona nanti imuzimbuyepo umuntu yumo nkwiza pakumunyosezya ka folo ukuchilapo.”

Luka 21:34

“Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

Luka 8:14

Imbeyu zizyo zikawila pakasi pamivwa zikwimilila abantu babo bakwivwa amazyu agha Chala. Loli ukwikolezannya nivya muchisu ichapasi pano, ukuchighana ichuma, sona ni vinyonywa vyosi ivyakulekanalekana vikwinjila nukufyululusya amazyu ghala, po ivikomwa vyabo vitakutona nalumo.

Aba Efeso 5:5

Mumanye ichi: Umuntu wesi yuyo we malaya, pamo munyazu, pamo mupafu (kokuti muntu yuyo akwiputa ivifwani) atakwiza pakupyana ubumwene ubwa Kilisitu, sona nubwa Chala.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

1 Yohani 2:15

Mutakachighanaye ichisu ichapasi, pamo ichintu chosi chicho cha muchisu ichapasi. Nanti muchighanite ichisu ichapasi, kokuti mutamughanite u Tata.