Luka 18:22 - IBAYIBOLO 2024

²² Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Ulufingo Ulupya

²² Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 18:22 Iomraidhean Croise

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Matayi 19:21

U Yesu akati, “Nanti ukulonda pakuba we mwiza, kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 10:42

loli ichintu choka chikulondiwa. U Maliya asala ichintu ichiza, sona chitakwiza pakufyuliwapo nalumolumo kukwache.”

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

Luka 16:9

Po u Yesu akendelela pakunena ukuti, “Nkubabuzya ukuti mwiyaghile mwebene abamanyani pakubombezya ivintu ivya muchisu ichapasi, umwakuti bo chamala, mukwiza pakupokeliwa munyumba iya bwila na bwila.

Luka 18:21

Umuntu yula akamula akati, “Nkonkite amalamulo ghosi ghanagha ukwandila kubwana bwane.”

Luka 18:23

Loli bo umuntu yula ivwa zinizi, akaba ni chitima pachifukwa ichakuti akaba mukabi nkani.

Luka 9:23

Po akababuzya abantu bosi akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye.

Aba Filipi 3:13

Mwee bakamu bane, intakwinong'ona ukuti napota kale, awe. Loli pali ichintu choka chicho nkubomba: Nkuluvya ivya mwisinda, sona indi nu lweke nkani pakunyululukila ivya muntazi.

2 Pitala 3:8

Mwee bamanyani bane abaghaniwa, loli mutakaluvyanje ichintu choka ichakuti: Pamaso pa Mwene isiku lyoka lili ngati gho maka 1,000, sona amaka 1,000 ghali ngati lyo lisiku lyoka.