Luka 18:19 - IBAYIBOLO 2024

¹⁹ U Yesu akamula akati, “Nkimba choni chicho ukunyitizya ukuti ne mwiza? Nayumo umuntu yuyo mwiza, loli u Chala mwene.

Ulufingo Ulupya

¹⁹ U Yesu akamula akati, “Nkimba choni chicho ukunyitizya ukuti ne mwiza? Nayumo umuntu yuyo mwiza, loli u Chala mwene.

Luka 18:19 Iomraidhean Croise

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Yobu 25:4

Po nkimba umuntu angaba bulibuli mugholosu pamaso pa Chala? Nkimba umuntu yuyo apapiwe nu mukolo, angaba bulibuli muzelu?

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Luka 18:18

Umulongozi yumo uwa Chiyuda akamulalusya u Yesu akati, “Wee Mumanyisi umwiza, nkimba imbombe ichoni ukuti impokele ubumi ubwa bwila na bwila?”

Luka 18:20

Ughamenye amalamulo aghakuti: Utakalowaye, utakaghoghaye, utakibaye, utakabanje we kaboni umumyasi, sona chindika ughuso nu nyoko.”

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.