Luka 18:13 - IBAYIBOLO 2024

¹³ Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

Ulufingo Ulupya

¹³ Loli umusonkezya sonko akimilila pa butalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

Luka 18:13 Iomraidhean Croise

2 Samuweli 12:13

Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

2 Imbili 33:23

U Amoni atakiyisya pamaso pa Mwene ukuyana namumo akabombelagha uwise u Manase, loli akabombagha imbibi.

Ezila 9:6

Po nkiputa nkati, “Wee Chala wane, indi ni soni ni chitima nkani, umwakuti intanginusizya icheni chane kukwako, pachifukwa imbibi zyitu zichilite pamitu yitu sona ukunanga kwitu kufikite kumwanya.

Yobu 42:6

Polelo nkwisusya nemwene nukupinduka pakwinyafila ulufumbi ni toyi.

Masalimo 106:6

Twananga ngati mumo abanyenya bitu banangila, aswe twe babibi sona twananga nkani.

Masalimo 119:41

Wee Mwene, ulughano lwako lubanje nane, lulo lutakupotwangapo nalumolumo. Umpoke ukuyana namumo ukandayizizya.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 25:11

Wee Mwene pachifukwa icha wewe, uhobokelaye imbibi napapo nkulu.

Masalimo 25:7

Wee Mwene, utakazikumbukaye imbibi zizyo nkabomba bo indi mulumendo, sona utakakukumbukaye ukunanga kwane. Nkumbukaye mulughano lwako lulo lutakupotwa nalumolumo pakuti we mwiza.

Masalimo 40:12

Pakuti intamyo zizyo zitangabelengiwa zizyunguliye, imbibi zyane zyamila, po intangennya sona. Imbibi zyane nyinji nkani ngati sisi izya kumutu wane, sona amaka ghamalila.

Masalimo 41:4

Po nkati, “Wee Mwene umpelelaye ichisa, umpozye pakuti nkunangiye.”

Ukufuma 33:10

Bo abantu bosi balyennya ibingu lila pamulyango uwa Chisakasa, bakimililagha nukumwiputa, umuntu wesi pamulyango uwa chisakasa chache.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Ezekiyeli 16:63

Ukumbuke nukuba nisoni umwakuti utakighulaye sona umulomo wako, pachifukwa icha kusamuliwa kwako, bo nkukuhobokela zyosi zizyo wabomba, u Mwene Uwamaka Ghosi anena.’ ”

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Matayi 10:3

nu Filipu nu Batolomeyo nu Tomasi nu Matayi umusonkezya sonko nu Yakobo umwana uwa Alufeyo nu Tadayi,

Matayi 6:5

“Bo mukwiputa, mutakayane na bazimbuli! Bighanite pakwimilila nukwiputa munyumba izyakwiputilamo, na munkomano izya misebo ukuti abantu babennye. Naloli nkubabuzya ukuti bapokelela zila umuvwalo wabo.

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Maliko 11:25

Bo mukulonda pakwiputa, mubahobokelaye tasi abantu bosi babo babanangiye. Po Ughuso wepe yuyo ali kumwanya akwiza pakubahobokela imbibi zyinyu.”

Luka 17:12

Bo akwinjila mukaya kamo, akakomana na bamambombo teni. Bakima pabutalipo

Luka 22:41

Po akabuka pabutalipo papo ibwe lingafika bo akulisumba. Akafughama nukwiputa.

Luka 23:48

Abantu bosi babo bakabungana palapala ukwennya chicho chikabombiwa, bo bennya chicho chikabombiwanga, bakabwela kunyumba zyabo bakwikoma pavifuba vyabo ni chitima.

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”

Imbombo 2:37

Bo abantu bivwa zinizi, bakapalamasiwa mumoyo, po bakamulalusya u Pitala na batumiwa abanji bakati, “Bakamu bitu, nkimba tubombe choni?”

Aba Loma 5:8

Loli u Chala atulanjizya namumo atughaniye aswe pakuti u Kilisitu akatufwila bo tuchili twe bambibi.

2 Aba Kolinti 7:11

Ennya mumo ivikomwa ivya chitima icha mwa Chala vikabombela mumwinyu. Chabapa ulweke ulukulu, chabapa amaka nkani pakusimikizya ukuti mutanangitepo, chabakalalizya nkani, sona chabapelela ubogha ubukulu. Chabapa inyota ukuti munyennye, sona chabapa ulweke ukuti munzighilile, sona ukufunda abambibi. Pabuzilo bosi mwisimikila mwebene ukuti inongwa iyi yitakubapalamasya.

1 Timoti 1:15

Agha gho mazyu aghanaloli, ghagho ghabaghiye pakwitikiziwa nukusubiliwa: U Kilisitu u Yesu akiza muchisu ichapasi pakupoka abambibi. Po ane mumwabo nkaba ne mubibi ukuchilapo.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Aba Hebeli 8:12

Nkwiza pakubahobokela imbibi zyabo, sona ntakwiza pakubukumbukapo nalumolumo ukunanga kwabo.”