Luka 18:11 - IBAYIBOLO 2024

¹¹ “Umu Falisayi akimilila pamwene nukwiputa ukuti, ‘Chala, nkukupalizya pakuti inte ne mupafu, sona inte ne mubomba mbibi, pamo mulowe ngati bo bantu bamo. Nkukupalizya pakuti intayanite nu musonkezya sonko yula.

Ulufingo Ulupya

¹¹ “Umu Falisayi akimilila pamwene nukwiputa ukuti, ‘Chala, inkukupalizya pakuti inte ne mupavu, sona inte ne mubomba mbibi, pamo mulowe ngati bo bantu bamo. Inkukupalizya pakuti intayanite nu musonkezya sonko yula.

Luka 18:11 Iomraidhean Croise

Masalimo 134:1

Mwee babombi mwebosi aba Mwene, zagha mumupalaye u Mwene, mwe mukubomba pabusiku mu Nyumba iya Mwene.

Masalimo 135:2

mwe mukwimilila mu Nyumba iya Mwene, mulubinjilo ulwa Nyumba iya Chala witu.

Ivyili 20:6

Abantu abinji bakwipimagha bene pakuba basubiliwa, po nkimba wewenu yuyo angamwagha umuntu umusubiliwa?

Ivyili 30:12

Balipo bamo babo bakwiyennya bene pakuba bazelu mumoyo, loli batefizyemo imbibi zyabo.

Yesaya 1:15

Bo mukukwezya inyobe zyinyu mumwanya pakwiputa, nkwiza pakwighalila amaso ghane. Napapo inyiputo zyinyu zingaba ntali, loli ane ntakwiza pakuziteghelezya, pachifukwa ichakuti inyobe zyinyu zyizuye ni banda.

Yesaya 58:2

Pakuti bakundonda isiku ni siku, bakulonda nkani ukuzimanya izila zyane, ngati luko lulo lukubomba ingolosu, sona lutaghalekite amalamulo agha Chala. Bakundaba ukuti idumule inongwa zyabo mubwanaloli, nukuhoboka pakwikala papipi nu Chala wabo.

Yesaya 65:5

babo bakunena ukuti, ‘Ikalagha bulo kunuko, pakuti ne muzelu kukwako!’ Abantu banaba bali ngati lyosi ilya mumpuno zyane, umoto ghugho ghukwaka musanya ghosi.

Yelemiya 2:28

Po nkimba abachala babo mukipangila mwebene bali ko kwiyi? Baleke bize nanti bangabapoka bo muli muntamyo! Pakuti awe, we Yuda, uli nabachala abinji nkani ngati mumo ubeleye nutwaya utukulu.

Yelemiya 2:35

mukunena mukuti, ‘Tute ninongwa nayimoyimo, ubukali bwache bwatozoka.’ Loli nkwiza pakubalonga pachifukwa mukuti, ‘Intanangite.’

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Matayi 10:3

nu Filipu nu Batolomeyo nu Tomasi nu Matayi umusonkezya sonko nu Yakobo umwana uwa Alufeyo nu Tadayi,

Matayi 5:20

Po nkubabuzya ukuti mukwiza pakwinjila mu Bumwene ubwa Kumwanya, pene papo nanti mwe basubiliwa nkani ukuchila abamanyisi aba Ndaghilo naba Falisayi pakubomba zizyo u Chala akulonda.

Matayi 6:5

“Bo mukwiputa, mutakayane na bazimbuli! Bighanite pakwimilila nukwiputa munyumba izyakwiputilamo, na munkomano izya misebo ukuti abantu babennye. Naloli nkubabuzya ukuti bapokelela zila umuvwalo wabo.

Maliko 11:25

Bo mukulonda pakwiputa, mubahobokelaye tasi abantu bosi babo babanangiye. Po Ughuso wepe yuyo ali kumwanya akwiza pakubahobokela imbibi zyinyu.”

Luka 20:47

Bakubazimbula abakolo abafwilwe nukubafyula inyumba zyabo nukwiputa inyiputo intali ukuti abantu babennye. Abantu aba bakwiza pakufundiwa nkani!”

Luka 22:41

Po akabuka pabutalipo papo ibwe lingafika bo akulisumba. Akafughama nukwiputa.

Aba Galatiya 3:10

Abantu bosi babo bakusubila Indaghilo baghuniwe pakuti Amasimbo ghakuti, “Aghuniwanje umuntu wesi yuyo atakukonka vyosi vivyo visimbiwe mwibuku ilya Ndaghilo izya Mozesi.”

Aba Filipi 3:6

Nkaba nu lweke nkani umwakuti nkachivwima ichipanga. Pakunena nizya muno umuntu akuneniwa pakuba mugholosu pakukonka Indaghilo, ane intakaba ni chilema nachimochimo.

Ubuvumbuli 3:17

Pakuti ukunena ukuti, ‘Ane ne mukabi, indi navyo vyosi, sona ntakusobelwapo nachimochimo.’ Loli utazimenye ukuti we wantamyo, we mupelachisa, we mupina, we mufwamaso, sona uli nkule.