Luka 18:1 - IBAYIBOLO 2024

¹ Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Ulufingo Ulupya

¹ Po u Yesu akababuzya abamanyili bache ichili pakubamanyizya ukuti biputaye akabalilo kosi nukusita ukulita.

Luka 18:1 Iomraidhean Croise

Masalimo 102:17

Akwiza pakwamula inyiputo izya bapotwe, sona atakwiza pakukusulannya ukulaba kwabo.

Masalimo 27:13

Nkusubila ukuti nkwiza pakubwennya ubwiza ubwa Mwene muchisu icha bantu abumi.

Masalimo 65:2

Awe we ukwivwa inyiputo, abantu bosi bizaghe kukwako.

Masalimo 86:3

Wee Mwene mpelela ichisa, pakuti isiku lyosi nkukulilila.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Yesaya 62:7

utakamupanje ubutuzyo mupaka amwikazye sona u Yelusalemu, nukukapela pakuba kakupaliwa muchisu chosi ichapasi.

Yelemiya 29:12

Po mukwiza pakunyitizya nukundaba, ane nkwiza pakubateghelezya.

Yona 2:7

Bo nennya ukuti nkufwa nkakukumbuka awe, wee Mwene, po mu Nyumba yako izelu ukivwa ulwiputo lwane.

Luka 11:10

Pakuti umuntu wesi yuyo akulaba akwiza pakupokela, sona umuntu wesi yuyo akulonda akwiza pakuvyagha, sona umuntu wesi yuyo akukong'osya, ulwiyi lukwiza pakumwighukila.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Aba Loma 12:12

Muhobokaye nkani pachifukwa icha lusubilo lwinyu, mubanje bafisalyoyo muntamyo nukwiputa akabalilo kosi.

2 Aba Kolinti 4:1

U Chala muchisa chache atupiye imbombo iyi, po tutakunyokela mwisinda.

Aba Galatiya 6:9

Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.

Aba Efeso 6:18

Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala.

Aba Filipi 4:6

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Aba Kolosi 4:12

U Epafula yuyo weka uwa amwe, sona mubombi uwa Kilisitu u Yesu akubalamuka. Akubiputila nkani akabalilo kosi ukumulaba u Chala ukuti mwimaye nkani, nukuba bantu abazelu, sona nukuti mwiyulaye nkani pakubomba vyosi vivyo u Chala akulonda.

Aba Kolosi 4:2

Mubanje balweke munyiputo, sona mubanje maso, bo mukwiputa ukumupalizya u Chala.

1 Aba Tesalonika 5:17

sona mwiputaye akabalilo kosi.

1 Samuweli 1:12

Bo akwendelela pakumwiputa u Mwene bulabula, u Eli akawenelezya umulomo wache.