Luka 17:6 - IBAYIBOLO 2024

⁶ U Mwene akamula akati, “Nanti mukabanga nu lwitiko napapo lunandi bulo ngati ko kambeyu aka muzimwa, ngali mukulibuzya ikwi ilya tuntonongwa ukuti, ‘Nyunkuka nukwibyala munyanja!’ Po lingabivwila.”

Ulufingo Ulupya

⁶ U Mwene akamula akati, “Nanti mukabanga nu lwitiko napapo lunandi bulo ngati ko kambeyu aka muzimwa, ngali mukulibuzya ikwi ilya tuntonongwa ukuti, ‘Nyunkuka nukwibyala munyanja!’ Po lingabivwila.”

Luka 17:6 Iomraidhean Croise

Matayi 14:29

U Yesu akamula akati, “Zagha!” Po u Pitala akika mubwato, akanda pakwenda pamizi pakubuka kwa Yesu.

Matayi 17:20

U Yesu akamula akati, “Pachifukwa ichakuti mwe bantu aba lwitiko ulunandi. Naloli nkubabuzya ukuti nanti mukabanga nu lwitiko napapo lunandi bulo ngati ko kambeyu aka muzimwa, ngali mwalibuzya ighamba ili ukuti, ‘Epapo pano bukagha pala,’ naloli lingabuka. Ngali mwabombite ivintu vyosi!”

Matayi 21:21

U Yesu akamula akati, “Naloli nkubabuzya ukuti nanti mukusubila nukusita ukwilamwa mukwiza pakubomba vivyo nachibombela ichikuyu chinichi. Sona chite cho chinichi chene loli mungalibuzya ighamba ili ukuti, ‘Nyamuka bukagha nukwisumba munyanja.’ Po ichi chikwiza pakubombiwa.

Maliko 4:31

Buyanite bulo nu muntu yuyo akusenda akambeyu akanandi aka ikwi, kako kambeyu kanandi nkani pachisu chosi ichapasi nukuyipesa mumughunda.

Maliko 9:23

U Yesu akati, “Choni chicho mukunena ukuti, ‘Nanti ungachibomba?’ Vyosi vipepe bulo nu muntu yuyo ali nulusubilo.”

Luka 13:19

Buyanite bulo nu muntu yuyo akusenda akambeyu akanandi aka ikwi nukupesa mumughunda wache. Ichibyalwa chikukula nukuba likwi, umwakuti utuyuni tukwiza nukulukamo ivivumbo vyabo musamba zyache.”

Luka 17:7

U Yesu akanena sona akati, “Buli nanti umuntu yumo mumwinyu, yuyo ali nu wambombo uwakulima, pamo uwakudima ing'ozi. Nanti abwelako ku mughunda, nkimba ukumubuzya ukuti, ‘Zagha lubilolubilo ukuti ulye’?

Luka 19:4

Po akachimbilila kuntazi nukukwela mwikwi ilya ikuyu ukuti amwennye u Yesu, pakuti u Yesu akadumusannya muzila yilayila.

Luka 7:13

Bo u Mwene amwennya umufwilwe yula, ichisa chikamulema. Akamubuzya umukolo umufwilwe yula akati, “Utakalilaye.”

Luka 7:19

nukubatuma kwa Mwene pakumulalusya ukuti, “Nkimba awe weyuyo akaneniwagha ukuti akwiza, pamo tulindililaye uyunji?”

1 Aba Kolinti 13:2

Napapo ningaba nacho ichabupi icha bulaghuzi, napapo ningamanya akiza bulo vyosi izyakubusyefu, napapo ningaba nu bumanyi bosi, sona ningaba nu lwitiko losi ulwakuti ningasamya na maghamba bulo, loli nanti inte nu lughano, pope ne wabulo.