Luka 17:29 - IBAYIBOLO 2024

²⁹ Loli pisiku lilyo u Loti akafumagha mu Sodomu, u Chala akabasumbila umoto na mabwe aghakwaka agha sulufule nukubaghogha bosi.

Ulufingo Ulupya

²⁹ Loli pisiku lilyo u Loti akafumagha mu Sodomu, u Chala akabasumbila umoto na mabwe aghakwaka agha sulufule nukubaghogha bosi.

Luka 17:29 Iomraidhean Croise

Ubuvumbuli 11:8

Imivimba yabo yikwiza pakulambalala mumisebo iya kaya akakulu nkani kako u Mwene wabo akakomeliwamo pachipinjika. Akaya akakulu nkani kala itabwa lyache umwachili bulo we Sodomu, pamo mu Ijiputi.

Yuda 1:7

Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

2 Pitala 2:6

U Chala akatufunda utwaya utwa Sodomu nu Gomola pakutuzimizya numoto, umwakuti chibanje chifwanikizyo icha vintu vivyo vikwiza pakubabonekela abantu babo batakumunyila u Chala.

Zefaniya 2:9

Polelo, ane ne Mwene Uwamaka Ghosi u Chala umumi uwa Izilayeli nkulapa nkuti, ‘Naloliloli ichisu icha Mowabu chikwiza pakuba ngati cha Sodomu, sona bope aba Amoni bakwiza pakuba ngati chisu icha Gomola. Vikwiza pakuba vibanka ivya mbeya ni visami bwila na bwila. Abantu bane abakusyalako bakwiza pakuchifyula ichisu chabo, abakupona aba inko yane bakwiza pakupyana ichisu chabo.’ ” U Mwene anena.

Yelemiya 50:40

Ngati mumo nkatunanganizizya utwaya utwa Sodomu nu Gomola, poka nutwaya twache utupalamani, Po atalipo nayumoyumo umuntu uwakwikalamo, sona atalipo nayumoyumo umuntu uwakuzengamo. Ane ne Mwene nanena.

Yesaya 13:19

Sona akaya akakulu nkani aka Babiloni, kako kaya aka buchindamu ubwa bumwene, abantu bakwituvya nu Babiloni. Loli ane ne Chala nkwiza pakumunangannya, ngati mumo nkamunanganizizya u Sodomu nu Gomola.

Amosi 4:11

“Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Yesaya 1:9

Nanti u Mwene Uwamaka Ghosi, atakabalekapo abantu bamo abakupona, ngali twaba ngati we Sodomu nu Gomola.

Luka 17:28

Vikwiza pakuyana bulo namumo vikabela pakabalilo aka Loti. Abantu bakalyanga nukung'wela; bakaghulagha nukughulizya, sona bakabyalagha nukuzenga.

Luka 17:30

Momumo kukwiza pakubela pisiku ilyakwizila ukwa Mwana uwa Muntu.

Ubuvumbuli 14:10

wepe akwiza pakung'wela uvinyo uwabukali ubwa Chala. Uvinyo yuyo ate mongannye nachimochimo. Akwiza pakuyiviwa numoto, sona nu sulufule pamaso pa bantumi abazelu aba Chala, na pamaso pa Mwana uwa ng'ozi.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.