Luka 17:26 - IBAYIBOLO 2024

²⁶ Ukuyana namumo vikabela pakabalilo aka Nowa, momumo kukwiza pakubela sona pakabalilo aka Mwana uwa Muntu.

Ulufingo Ulupya

²⁶ Ukuyana na mumo vikabela pakabalilo aka Nowa, momumo kukwiza pakubela sona pakabalilo aka Mwana uwa Muntu.

Luka 17:26 Iomraidhean Croise

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

Ubwandilo 6:8

Loli u Mwene akahoboka nu Nowa.

Yesaya 22:13

Loli ennya, kuli ulusekelo nu buhobosu, baghogha ing'ombe nukubola ing'ozi, ukulya inyama nukung'wela uvinyo! Nukunena ukuti, “Leka tulyanje nukung'wela uvinyo, pachifukwa ichakuti indabi tukwiza pakufwa!”

Luka 17:22

Po akababuzya abamanyili bache akati, “Akabalilo kakwiza, bo mukwiza pakulonda pakwennya isiku limo mumasiku aghakwiza ukwa Mwana uwa Muntu. Loli mutakwiza pakulyennya.

Luka 17:24

Akamesya kakunyampana nukulama kumwanya ukwandila kulubazu loka mupaka kulubazu ulunji. Umwakuyana bulo, umu momumo kukwiza pakubela sona pisiku ilya Mwana uwa Muntu.

Luka 17:27

Abantu bakalyanga nukung'wela, bakasendanagha mupaka pisiku lilyo u Nowa akinjila mubwato ubukulu nkani. Po amizi ghakizula nukubaghogha bosi.

Luka 17:7

U Yesu akanena sona akati, “Buli nanti umuntu yumo mumwinyu, yuyo ali nu wambombo uwakulima, pamo uwakudima ing'ozi. Nanti abwelako ku mughunda, nkimba ukumubuzya ukuti, ‘Zagha lubilolubilo ukuti ulye’?

Luka 18:8

Nkubabuzya ukuti akwiza pakubalongela akiza, sona akwiza pakubomba umwalubilolubilo. Loli bo u Mwana uwa Muntu akwiza, nkimba akwiza pakulwagha ulwitiko pachisu ichapasi?”

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.

2 Pitala 3:6

Po ghakaba mizi ghanagha, ghagho akabombezya pakuchidwibisya nukuchizimizya ichisu ichapasi ichakale.