Luka 17:25 - IBAYIBOLO 2024

²⁵ Loli u Mwana uwa Muntu abaghiye pakuyimba tasi nukukaniwa na bantu abankulilo iyi.

Ulufingo Ulupya

²⁵ Loli u Mwana uwa Muntu abaghiye pakuyimba tasi nukukaniwa na bantu abankulilo iyi.

Luka 17:25 Iomraidhean Croise

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Matayi 16:21

Ukwandila pakabalilo kalakala u Yesu akanda pakubabuzya abamanyili bache umwakwivwika ukuti, “Imbaghiye pakubuka mu Yelusalemu nukuyimba nkani na balongozi aba Chiyuda, na baputi abasongo, sona na bamanyisi aba Ndaghilo. Nkwiza pakughoghiwa, loli nanti ghachilapo amasiku matatu nkwiza pakuzyuka kubufwe.”

Matayi 21:42

U Yesu akati, “Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi. Ichi chikabombiwa nu Mwene, po chakuswighisya nkani kukwitu?’

Maliko 10:33

Akababuzya akati, “Ivwa kuno, tukubuka mu Yelusalemu, mumo u Mwana uwa Muntu akwiza pakubikiwa munyobe izya baputi abasongo na bamanyisi aba Ndaghilo. Bakwiza pakumulonga ukuti aghoghiwe nukumubika munyobe izya bantu babo bate ba Yuda,

Maliko 12:10

Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo ilelo lyaba lyakulondiwa nkani ukuchila amabwe ghosi?

Maliko 8:31

Po u Yesu akanda pakumanyisya abamanyili bache ukuti, “U Mwana uwa Muntu abaghiye pakuyimba nkani nukukaniwa na balongozi aba Chiyuda, na baputi abasongo, sona na bamanyisi aba Ndaghilo. Akwiza pakughoghiwa, loli nanti ghachilapo amasiku matatu akwiza pakuzyuka kubufwe.”

Maliko 9:31

pakuti akabamanyisya abamanyili bache. Akababuzya akati, “U Mwana uwa Muntu akwiza pakubikiwa munyobe izya balwani, babo bakwiza pakumughogha. Loli bo ghachilapo amasiku matatu akwiza pakuzyuka kubufwe.”

Luka 18:31

U Yesu akabasendela abamanyili bache 12 bala palubazu nukubabuzya ukuti, “Ivwa kuno, tukubuka mu Yelusalemu, mumo vyosi vivyo abalaghuzi bakasimba nizya Mwana uwa Muntu vikwiza pakukwanilisiwa.

Luka 18:33

Bakwiza pakumusyempa nukumughogha, loli bo ghachilapo amasiku matatu, akwiza pakuzyuka kubufwe.”

Luka 24:46

nukubabuzya ukuti, “Ivi vyo vivyo visimbiwe: U Kilisitu abaghiye pakuyimba nukuzyuka kubufwe, bo ghachilapo amasiku matatu,

Luka 9:22

Akababuzya sona akati, “U Mwana uwa Muntu abaghiye pakuyimba nkani nukukaniwa na balongozi aba Chiyuda, na baputi abasongo, sona na bamanyisi aba Ndaghilo. Akwiza pakughoghiwa, loli nanti ghachilapo amasiku matatu akwiza pakuzyuka kubufwe.”

Yohani 1:11

Akizila abantu abaluko lwache, loli abantu abaluko lwache batakamupokela.

Yohani 12:38

umwakuti zizyo umulaghuzi u Yesaya akanena zikakwanilisiwa ukuti, “Mwene, wewenu akasubila amazyu ghagho tukalumbililagha? Wewenu yuyo amaka agha Mwene ghakavumbuliwa kukwache?”

1 Samuweli 10:19

Loli ilelo mwamukana u Chala winyu, yuyo akabapoka muntamyo zyinyu na mumayimba ghinyu ghosi. Amwe mwambuzya mwati, ‘Awe! Utwimikile u mwene.’ Polelo mubungane pamaso pa Mwene ukuyana ninko zyinyu, sona ni nyumba zyinyu.”

1 Samuweli 8:7

U Mwene akamwamula akati, “Bomba bulo zyosi zizyo abantu banaba bakulonda. Abantu banaba batakukukana awe, loli bakunkana ane ukuti imbanje ne mwene wabo.