Luka 17:24 - IBAYIBOLO 2024

²⁴ Akamesya kakunyampana nukulama kumwanya ukwandila kulubazu loka mupaka kulubazu ulunji. Umwakuyana bulo, umu momumo kukwiza pakubela sona pisiku ilya Mwana uwa Muntu.

Ulufingo Ulupya

²⁴ Akamesya kakumesya nukulama kumwanya ukwandila kulubazu loka mupaka kulubazu ulunji. Umwakuyana bulo, umu mo mumo kukwiza pakubela sona pisiku ilya Mwana uwa Muntu.

Luka 17:24 Iomraidhean Croise

Ezekiyeli 1:14

Po ivipeliwa ivyabumi vila vikachimbilagha uku na uku ngati kumesya ukwa kamesya.

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

Matayi 24:27

Pakuti u Mwana uwa Muntu akwiza ngati ko kamesya kako kakumesya kumwanya ukwandila ko kubufumilo bwizuba mupaka kubwinjililo bwache.

Matayi 24:30

Po ichimanyilo ichakwiza ukwa Mwana uwa Muntu chikwiza pakuboneka kumwanya. Abantu bosi aba muchisu ichapasi bakwiza pakufwifwitila, bo bamwennya u Mwana uwa Muntu akwiza mumabingu na maka nu buchindamu ubukulu.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Matayi 26:64

U Yesu akamula akati, “Wanena wemwene. Loli nkubabuzya mwebosi ukuti ukwandila pakabalilo aka mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mumabingu.”

Matayi 5:15

Nayumo umuntu yuyo akukozya inyale nukuyikupikila ni sonta. Loli akuyibika pabuzelu, umwakuti yibalamilaye abantu bosi munyumba mula.

1 Aba Kolinti 1:8

Umwene akwiza pakubakazya ukufika mupaka pabumalilo, ukuti mubanje bantu abasita chilema nachimochimo pisiku ilya Mwene witu Yesu Kilisitu.

1 Aba Tesalonika 5:2

Pakuti muzimenye akiza nkani ukuti Isiku ilya Mwene likwiza umwakuchenusya bulo ukuyana namumo umwiba akwizila pabusiku.

2 Aba Tesalonika 2:2

imitu yinyu yitakavulunganaye, pamo ukuchenukila na mazyu aghakuti, “Isiku ilya Mwene lyafika,” napapo bakunena ukuti amazyu agha ghakufuma kwa Muzimu Umuzelu, pamo ukuti sweswe twaghanena, pamo ukuti twabasimbiye mwakalata uyu.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

Yakobo 5:8

Namwe bulo mubanje bafisalyoyo. Mwimaye nkani pakuti u Mwene ali papipi pakwiza.

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.