Luka 17:22 - IBAYIBOLO 2024

²² Po akababuzya abamanyili bache akati, “Akabalilo kakwiza, bo mukwiza pakulonda pakwennya isiku limo mumasiku aghakwiza ukwa Mwana uwa Muntu. Loli mutakwiza pakulyennya.

Ulufingo Ulupya

²² Po akababuzya abamanyili bache akati, “Akabalilo kakwiza, bo mukwiza pakulonda pakwennya isiku limo mumasiku aghakwiza kwa Mwana uwa Muntu. Loli mutakwiza pakulyennya.

Luka 17:22 Iomraidhean Croise

Matayi 9:15

U Yesu akamula akati, “Nkimba mukwinong'ona ukuti abayeni palusekelo ulwa sendwa bangalanjizya ichitima bo umwenesendwa ali poka nabo? Awe! Loli isiku likwiza bo umwenesendwa bamwefyako kukwabo, po bakwiza ukutuzya pakulya.”

Maliko 2:20

Loli isiku likwiza lilyo umwenesendwa bakwiza pakumwefyako kukwabo, po bakwiza ukutuzya pakulya.

Luka 13:35

Ennya ilelo Inyumba yinyu iya Chala yikwiza pakuba chisami. Nkubabuzya ukuti ukwandila pakabalilo aka, mute mukanyennyepo nalumolumo mupaka munene ukuti, ‘U Chala amusaye yuyo akwiza mwitabwa ilya Mwene.’ ”

Luka 5:35

Loli isiku likwiza, lilyo umwenesendwa bamwefyako kukwabo, po bakwiza ukutuzya pakulya.”

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Yohani 13:33

Bana bane, ntakwiza pakuba namwe akabalilo akatali. Amwe mukwiza pakundonda, loli losi ulu nkubabuzya zizyo nkababuzya abalaghili aba Chiyuda ukuti, ‘Mutangabukako kuko nkubuka.’