Luka 17:2 - IBAYIBOLO 2024

² Chingaba chizapo ukuti umuntu yula bamupinyilile ulwala ulukulu musingo nukumusumbila munyanja nukuchila ukuti amupelele weka uwa bana abanandi aba pakubomba imbibi.

Ulufingo Ulupya

² Chingaba chizapo ukuti umuntu yula bamupinyilile ulwala ulukulu musingo nukumusumbila munyanja nukuchila ukuti amupelele weka uwa bana abanandi aba pakubomba imbibi.

Luka 17:2 Iomraidhean Croise

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Matayi 17:27

Loli tutakulonda pakubakalalizya abantu banaba. Po bukagha kunyanja nukusikula iswi. Iswi yakwanda yiyo walema uyitanule umulomo wache, po ukwiza pakuyagha indalama, yiyo yikuyana pakusonkela umusonko wako nu wane.”

Matayi 18:10

“Muchebaye ukuti mutakusula weka uwa bana abanandi banaba. Pakuti nkubabuzya ukuti akabalilo kosi abantumi babo aba kumwanya bali pamaso pa Tata wane uwakumwanya.

Matayi 18:14

Momumo Ughuso uwakumwanya atakulonda ukuti yumo uwa bana abanandi banaba asobele.

Matayi 26:24

U Mwana uwa Muntu akwiza pakufwa ukuyana na Masimbo. Loli chighune nkani nu muntu yuyo akumubika u Mwana uwa Muntu munyobe izya balwani! Chikaba chizapo ukuti umuntu yula ngali atakapapiwanga!”

Maliko 9:42

“Nanti umuntu yumo akupuvya weka uwa bana abanandi aba ukuleka pakunsubila, chingaba chizapo ukuti umuntu yula bamupinyilile ulwala ulukulu musingo nukumusumbila munyanja.

Yohani 21:15

Bo bamala pakulya, u Yesu akamulalusya u Pitala akati, “Wee Simoni umwana uwa Yohani, nkimba unganite ukubachila banaba?” U Pitala akamula akati, “Momumo Mwene, uzimenye ukuti nkughanite.” U Yesu akamubuzya akati, “Lyesya ing'ozi zyane.”

1 Aba Kolinti 9:15

Loli ane intabubombeyepo nalumolumo ubusatuke bunubu napo panandi, awe, pamo intakusimba ukalata uyu ilelo nu lusubilo ulwakuti mukwiza pakumbombela ivintu vinivi. Pakuti chingaba chizapo ukuti ane imfwe nukuchila ukuti umuntu anfyule ichintu chicho nkwituvikizyamo.

1 Aba Kolinti 9:22

Bo nkubomba na bantu abadedebazu nkaba ngati ne muntu umudedebazu, umwakuti nkabepo abantu balabala. Bo indi poka na bantu bosi nkaba ngati bo babo, umwakuti nanti zingabombiwa impokepo abantu bamo mumwabo.