Luka 16:9 - IBAYIBOLO 2024

⁹ Po u Yesu akendelela pakunena ukuti, “Nkubabuzya ukuti mwiyaghile mwebene abamanyani pakubombezya ivintu ivya muchisu ichapasi, umwakuti bo chamala, mukwiza pakupokeliwa munyumba iya bwila na bwila.

Ulufingo Ulupya

⁹ Po u Yesu akendelela pakunena ukuti, “Inkubabuzya ukuti mwiyaghile mwebene abamanyani pakubombezya ivintu ivya muchisu ichapasi, umwakuti bo chamala, mukwiza pakupokeliwa munyumba iya bwila na bwila.

Luka 16:9 Iomraidhean Croise

Masalimo 73:26

Umubili wane nu moyo wane vingapotwa, loli u Chala we maka agha moyo wane, po akugabilagha ulusayo bwila na bwila.

Ivyili 14:24

Ubukabi ubwa muntu uwamahala yo mpumpu yache, loli umupunganu akumanyikwa nu bupunganu bwache.

Ivyili 19:17

Umuntu yuyo akumupelela ichisa umupina akumwazimya u Mwene sona akwiza pakumupa umuvwalo ukuyana ni mbombo zyache inyiza.

Ivyili 23:5

Nanti wabwagha ubukabi, ukwennya ukuti bwabuka kale, pakuti naloli bukwiza pakumela ivipapande nukubulukila kumwanya ngati lyo lizwanga.

Umulumbilili 11:1

Sumbila ichibama chako pamizi, pakuti bo pachilapo amasiku aminji ukwiza pakuchagha sona.

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Matayi 19:21

U Yesu akati, “Nanti ukulonda pakuba we mwiza, kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Matayi 6:19

“Mutakilundikilaye ubukabi pachisu ichapasi, pakuti impezu nu lusima vikubunangannya, sona na biba bope bakupankula nukwiba.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

Luka 14:14

Po ukwiza pakusayiwa pachifukwa ichakuti bate nacho nachimo ichakukunyosezya papo. U Chala akwiza pakukunyosezya pisiku lilyo abantu abagholosu bakwiza pakuzyuka kubufwe.”

Luka 16:11

Po nanti ute we musubiliwa ni vyuma ivya muchisu ichapasi, po nkimba ungaba bulibuli musubiliwa ni vyuma ivyanaloli?

Luka 16:13

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.”

Luka 16:4

Ilelo namanya chicho nkwiza pakubomba, umwakuti abantu bize bampokele munyumba zyabo, bo imbombo yamalila.’

Imbombo 10:31

nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina.

Imbombo 10:4

Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?” Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina.

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

Yuda 1:21

Mwikalaye mulughano ulwa Chala, bo mukulindilila u Mwene witu u Yesu Kilisitu ukuti abape ubumi ubwa bwila na bwila ukwendela muchisa chache.