Luka 16:8 - IBAYIBOLO 2024

⁸ Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Ulufingo Ulupya

⁸ Polelo umwene uwa kapitawa yula akamupalizya uwambombo muchevu yula, pachifukwa icha buchevu bwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Luka 16:8 Iomraidhean Croise

Ubwandilo 3:1

Injoka yikaba nchevu nkani ukuchila ivinyamana vyosi vivyo u Mwene u Chala akavipela. Injoka yikamulalusya umukolo yula yikati, “Nkimba momumo ukuti u Chala akati, ‘Mutakalyanje navimovimo ivikomwa ivya makwi agha mumughunda ughu’?”

2 Samuweli 13:3

Loli u Amunoni akaba nu mumanyani wache u Yonadabu, umwana uwa Shimeya, uwamwabo uwa Devedi. U Yonadabu akaba muchevu nkani.

2 Abamwene 10:19

Polelo mubitizye abalaghuzi bosi aba Baala, na babombi bache, sona na baputi bache bosi. Mwenelezye ukuti atakabepo nayumoyumo umuntu uwakusobelapo, pachifukwa ichakuti nkulonda pakubika ichakwiyipa ichikulu nkani kwa Baala. Nanti umuntu yumo anyoka, akwiza pakughoghiwa.” Loli u Yehu akazibombela bulo mubuchevu umwakuti abanangannye ababombi bosi aba Baala.

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Ukufuma 1:10

Polelo aswe tubombe nabo zimo. Tubachevye ukuti batakabale sona, umwakuti nanti ubwite bwanda batakize babanje poka na balwani bitu ukuti balwe naswe nukuchimbilamo muchisu.”

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Matayi 12:32

Umuntu wesi yuyo akumunenela u Mwana uwa Muntu ivintu ivibibi, akwiza pakuhobokeliwa. Loli umuntu wesi yuyo akumunenela u Muzimu Umuzelu ivintu ivibibi atakwiza pakuhobokeliwa nalumolumo ukwandila pakabalilo aka mupaka pakabalilo kako kakwiza.”

Matayi 17:26

U Pitala akamula akati, “Abayeni.” U Yesu akamula akati, “Chiza, abenechisu batakasonkaye umusonko.

Luka 16:10

Umuntu wesi yuyo musubiliwa muvintu ivinandi, akwiza pakuba musubiliwa muvintu ivikulu, sona umuntu wesi yuyo mumyasi muvintu ivinandi, akwiza pakuba sona mumyasi muvintu ivikulu.

Luka 16:4

Ilelo namanya chicho nkwiza pakubomba, umwakuti abantu bize bampokele munyumba zyabo, bo imbombo yamalila.’

Luka 16:7

Po akamulalusya uyunji akati, ‘Nkimba awe ukakopa vilinga?’ Akamwamula akati, ‘Amasaka agha ngano 1,000.’ Ukapitawa yula akamubuzya akati, ‘Ukalata wako uwa nkongole uyu, simbapo amasaka 800.’

Luka 18:6

Po u Mwene akati, “Teghelezya vivyo umulongi uwamabeko uyu akanena.

Luka 20:34

U Yesu akabamula akati, “Abanavuli na bakolo aba masiku agha bakusendana,

Luka 20:35

loli abanavuli na bakolo babo babaghiye pakuzyuka kubufwe nukwikala mumasiku ghagho ghakwiza batakwiza pakusendana.

Yohani 12:36

Bo ulukozyo luchili luli pakasi papinyu, mulusubile ulukozyo lulalula, umwakuti mubanje bantu bakwenda mu lukozyo.” Bo u Yesu amala pakunena zinizi, akepukapo nukuvwama.

1 Aba Kolinti 3:18

Mutakizimbulaye mwebene. Nanti yumo akwipima mwene ukuti wamahala ukuyana na mahala agha muchisu ichapasi, umwene muleke abanje muntu umupunganu, umwakuti abanje muntu wamahala naloli.

Aba Efeso 5:8

Namwe bulo mukabapo lumo muchisi, loli losi ulu muli mu lukozyo, pakuti mwe bantu aba Mwene. Polelo mwendaye ngati mwe bantu babo bakwikala mu lukozyo,

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

1 Aba Tesalonika 5:5

Amwe mwebosi mwe bantu abalukozyo, sona bantu aba musanya. Aswe tute twe bantu aba busiku, pamo bantu aba muchisi, awe.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Yohani 3:10

Umu momumo Abana aba Chala na bana aba Satana balekaniye: Umuntu wesi yuyo atakubomba chicho chigholosu, pamo umuntu yuyo atamughanite umukamu wache, ate mwana uwa Chala.