Luka 16:25 - IBAYIBOLO 2024

²⁵ Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Ulufingo Ulupya

²⁵ Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Luka 16:25 Iomraidhean Croise

Yobu 22:18

Pope bulo u Chala akizuzya inyumba zyabo ni vintu ivyiza, po ane ntakwitinkana ni nyinong'ono izya bantu ababibi.

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Masalimo 49:11

Amapumpa ghabo ghakwiza pakuba zyo nyumba zyabo izya bwila na bwila, sona buzilo bwabo ubwakwikalamo inkulilo ni inkulilo, Vikwiza pakuba bunubu, napapo bakavyita ivyisu amatabwa ghabo.

Masalimo 73:7

Imbatiko imbibi zikufuma munyinong'ono zyabo, mumoyo ghabo mukufuma ububibi bwene.

Nkuto 1:7

Pakabalilo aka mayimba nu kwendakwenda kwache, u Yelusalemu akubukumbuka ubukabi bwache bubo akaba nabo bo ivintu vikumwendela akiza. Bo abantu bache balemiwa na balwani, patakabapo nayumoyumo umuntu uwakumwavwa. Abalwani bache bakamwenelezya nukumobezya, pachifukwa icha kunangika kwache.

Daniyeli 5:30

Ubusiku bulabula u mwene u Belishazala uwamu Babiloni akaghoghiwa,

Matayi 27:63

Bakanena bakati, “Mwene, tukukumbuka ukuti bo umumyasi yula achili mumi akati, ‘Nkwiza pakuzyuka kubufwe, bo ghachilapo amasiku matatu.’

Maliko 9:45

Nanti ulwayo lwako lukukupuvya, ludumule! Pakuti chizapo pakwinjila mubumi ubwa bwila na bwila umusita lwayo ukuchila pakwinjila ni nyayo zyosi zibili nukusumbiwa mu Gehena.

Luka 16:20

Kukabako sona nu muntu umupina yuyo akaba we Lazalo, yuyo bakamubikagha pamulyango uwa muntu umukabi yula, sona akaba ni vilonda mumubili ghosi.

Luka 16:23

Bo akuyimba nkani muchisu icha bantu abafwe, akamwennya u Abulahamu pabutalipo poka nu Lazalo kulubazu lwache.

Luka 16:26

Ukonjelezya pavyosi vinivi, pakasi papitu pali ichibanka ichibizu nkani, umwakuti babo bakulonda pakulobokela kuno batangaloboka, sona nayumo umuntu yuyo angalobokela kukwinyu.’

Luka 6:24

Loli chighune kukwinyu amwe mwe bakabi akabalilo aka, pakuti mupokelite kale ivyakubahobosya vyinyu!

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyisya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Aba Loma 8:7

Nanti umuntu akubika inyinong'ono zyache pabuntu ubwa mbibi, we mulwani uwa Chala pakuti atakukonka Indaghilo izya Chala, naloliloli atangavwilapo nalumo.

Ukukumbusya Amalamulo 28:17

U Mwene azighune intamba zyinyu, sona ni sonta zyinyu izyakupiyila.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

1 Aba Tesalonika 3:3

umwakuti patakabepo nayumo umuntu mumwinyu uwakuyingana pachifukwa icha ntamyo zinizi. Amwe mwebene muzimenye ukuti intamyo zinizi cho chigaba chimo icha bwighane ubwa Chala kukwitu.

Aba Hebeli 11:25

Umwene akasala ukuyimba poka na bantu aba Chala nukuchila ukwilagha ni mbibi pakabalilo akapimpa bulo.

1 Yohani 2:15

Mutakachighanaye ichisu ichapasi, pamo ichintu chosi chicho cha muchisu ichapasi. Nanti muchighanite ichisu ichapasi, kokuti mutamughanite u Tata.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.