Luka 16:24 - IBAYIBOLO 2024

²⁴ Po akakolomoka nkani akati, ‘Tata Abulahamu, umpelele ichisa ane. Mutume u Lazalo ukuti adwibike akasonga aka kafingwi kache mumizi ukuti akatazye ululimi lwane, pachifukwa ichakuti indi muntamyo nkani pamoto ughu!’

Ulufingo Ulupya

²⁴ Po akakolomoka nkani akati, ‘Tata Abulahamu, umpelele ichisa ane. Mutume u Lazalo ukuti adwibike akasonga aka kafingwi kache mumizi ukuti akatazye ululimi lwane, pachifukwa chakuti indi muntamyo nkani pamoto ughu!’

Luka 16:24 Iomraidhean Croise

Yobu 20:21

Chitalipo nachimo chicho chikasyalapo ichakuti angalya, ubukabi bwache bukamala bosi.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 66:24

“Bakwiza pakubuka pakwennya imivimba iya bantu babo bansambukiye, isomi zyabo zitakwiza pakufwa pamo ghope umoto wabo ghutakwiza pakuzima, bakwiza pakuba bulo vinyazu ku bantu bosi.”

Zekaliya 14:12

Ichi cho chiwaya chicho u Mwene akwiza pakuzifunda nacho inko zyosi, zizyo zikalwa ubwite nu Yelusalemu: Amabili ghabo ghakwiza pakubola bo bimiliye, amaso ghabo ghakwiza pakubola, sona zyope indimi zyabo zikwiza pakubola mumalomo ghabo.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 3:9

Mutakinong'onaye ukuti, ‘U Abulahamu we munyenya witu.’ Nkubabuzya ukuti u Chala angaghapela amabwe agha pakuba baluko aba Abulahamu.

Matayi 5:22

Loli ilelo nkubabuzya ukuti umuntu wesi yuyo amukalaliye umukamu wache akwiza pakulongiwa. Sona umuntu wesi yuyo akumunena umukamu wache ukuti, ‘Ute ni mbombo,’ akwiza pakulongiwa na balongi. Sona umuntu wesi yuyo akumunena umukamu wache ukuti, ‘Wee mupunganu,’ wepe bulo akwiza pakusumbiwa pamoto uwamu Gehena.

Luka 16:30

Umuntu umukabi yula akamula akati, ‘Awe, tata Abulahamu! Vinivyo vitakukwana, loli nanti umuntu yumo azyuka kubufwe nukubuka kukwabo, bakwiza pakupinduka nukuzileka imbibi zyabo.’

Luka 19:9

U Yesu akamubuzya akati, “Ubupoki bwiza munyumba iyi ilelo, pakuti umuntu uyu wepe waluko ulwa Abulahamu.

Luka 3:8

Bombagha imbombo izyakulanjizya ukuti naloli mwapinduka nukuzileka imbibi zyinyu. Mutakinenaye mwebene ukuti, ‘U Abulahamu we munyenya witu.’ Nkubabuzya ukuti u Chala angaghapela amabwe agha pakuba baluko aba Abulahamu.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Yohani 7:37

Pisiku ilyabumalilo ilya lusekelo, lilyo likaba ilya pamwanya nkani, u Yesu akimilila nukunena na mazyu agha pamwanya ukuti, “Umuntu wesi yuyo ali ni nyota ize kukwane nukung'wela.

Aba Loma 4:12

Sona we munyenya uwa bantu babo basilimuliwe, kokuti kute ko ku bene babo basilimuliwe umubili, loli sona na bantu bosi babo bakukonka munyayo izya lwitiko ulwa munyenya witu u Abulahamu, bo atasilimuliwe.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Yakobo 3:6

Ululimi lope luli ngati gho moto, chicho chizuye nu bubibi pakasi pa vigaba ivya mubili. Lukunyazya inkalo yosi iya muntu, sona lukochannya ubumi bwache bosi numoto uwamu Gehena.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

1 Samuweli 28:16

U Samuweli akamulalusya akati, “Nkimba choni chicho ukunyitizya, bo u Mwene akukana sona aba mulwani wako?