Biblia Todo Logo
Bìoball air-loidhne

- Sanasan -




Luka 16:15 - IBAYIBOLO 2024

15 U Yesu akanena nabo akati, “Mwighanite pakwinena mwebene ukuti mwe bagholosu pamaso pabantu, loli u Chala aghamenye amoyo ghinyu. Pakuti chicho abantu bakuti chapamwanya nkani, pamaso pa Chala chite ni mbombo nayimoyimo.

Faic an caibideil Dèan lethbhreac

Ulufingo Ulupya

15 U Yesu akanena nabo akati, “Mwighanite pakwinena mwebene ukuti mwe bagholosu pamaso pa bantu, loli u Chala aghamenye amoyo ghinyu. Pakuti chicho abantu bakuti chapamwanya nkani, pamaso pa Chala chite ni mbombo nayimoyimo.

Faic an caibideil Dèan lethbhreac




Luka 16:15
40 Iomraidhean Croise  

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.


ivwa uko kumwanya kuko ukwikala nukubahobokela abantu bako sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu.


Umubibi akwituvya ni vinyonywa ivya moyo wache, sona akumupala umupafu nukumusamula u Mwene.


Izi zyo zizyo zikubawila abantu babo bisubiye bene, sona bo bumalilo ubwa babo bakughakonka amazyu ghanagha.


Napapo akiyennyanga mwene pakuba musayiwa bo mumi, sona nanti abantu bope bakukupala bo vikukwendela akiza,


Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.


U Mwene ababengite abantu abamituvyo, po naloli bakwiza pakufundiwa.


Abantu abinji bakwipimagha bene pakuba basubiliwa, po nkimba wewenu yuyo angamwagha umuntu umusubiliwa?


Inkalo iya muntu yikuboneka nyiza kukwache, loli u Mwene weyuyo azimenye inyinong'ono zyache.


“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”


Po ilelo tukubapima abamituvyo pakuba basayiwa. Naloli ababomba mbibi ivintu vikubendela akiza, sona nanti bakumuyela u Chala ichintu ichibibi chitakubawila.’ ”


Bakubomba zyosi izi ukuti abantu babennye. Ennya Amasimbo pankigha zizyo bakupinya kumutu na panyobe, sona ennya ubukulu mumo zibeleye! Ennya amabuzi amatalitali munkazo zyabo.


“Nanti mukutuzya pakulya mutakalanjizyanje ichitima ukuyana namumo bakubombela abazimbuli. Bakulanjizya ukukalala pamaso ukuti abantu babennye ukuti bakutuzya pakulya. Naloli nkubabuzya ukuti bapokelela zila umuvwalo wabo.


“Nanti mukumupa chimo umuntu umupotwe, mutakifumusyanje ukuyana namumo bakubombela abazimbuli munyumba izyakwiputilamo na muminalo. Bakubomba bunubu ukuti abantu babapale. Naloli nkubabuzya ukuti bapokelela zila umuvwalo wabo.


“Bo mukwiputa, mutakayane na bazimbuli! Bighanite pakwimilila nukwiputa munyumba izyakwiputilamo, na munkomano izya misebo ukuti abantu babennye. Naloli nkubabuzya ukuti bapokelela zila umuvwalo wabo.


Loli umumanyisi uwa Ndaghilo yula akalondagha pakwinena mwene pakuba mugholosu, po akamulalusya u Yesu akati, “Nkimba umupalamani wane wewenu?”


Po u Mwene akamubuzya akati, “Amwe mwe ba Falisayi pakuti mukusuka kuzi ukwa lubako ni mbale zyinyu, loli mukasi mwizuye nu bupafu nu buvyondongo.


“Umu Falisayi akimilila pamwene nukwiputa ukuti, ‘Chala, nkukupalizya pakuti inte ne mupafu, sona inte ne mubomba mbibi, pamo mulowe ngati bo bantu bamo. Nkukupalizya pakuti intayanite nu musonkezya sonko yula.


U Yesu akati, “Nkubabuzya ukuti umusonkezya sonko akabwela kunyumba, bo u Chala amunena pakuba mugholosu pamaso papache, umu Falisayi yula, awe. Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”


Umuntu yula akamula akati, “Nkonkite amalamulo ghosi ghanagha ukwandila kubwana bwane.”


U Yesu akababuzya sona ichili ichinji abantu babo bakituvyanga ukuti bagholosu nukubasula abanji.


Po bakalonda akabalilo akiza. Bakababeka abatendezi bamo ukuti baboneke banaloli nukubatuma ukuti bamuteghe u Yesu na malalusyo, ukuti bamubike munyobe izya mulaghili uwa Chiloma.


Bakubazimbula abakolo abafwilwe nukubafyula inyumba zyabo nukwiputa inyiputo intali ukuti abantu babennye. Abantu aba bakwiza pakufundiwa nkani!”


Patakalondiwa ukuti yumo amubuzye nizya bantu pakuti umwenecho akazimanya inyinong'ono zyabo.


U Yesu akanena akabutatu akati, “Simoni umwana uwa Yohani, nkimba unganite?” U Pitala akaba ni chitima pachifukwa ichakuti u Yesu akamulalusya akabutatu akati, “Nkimba unganite?” Po u Pitala akati, “Mwene, awe uzimenye zyosi. Uzimenye ukuti ane nkughanite.” U Yesu akamubuzya akati, “Lyesya ing'ozi zyane.


Akaghula umughunda ni ndalama zizyo akapokela pachifukwa icha mbibi zizyo akabomba. Panapo akawila umutu, ulwanda lwache lukapunta, sona amala ghache ghakafumila kuzi.


Po bakiputa ukuti, “Wee Mwene, uzimenye inyinong'ono izya muntu wesi, po tulanjizye weka pa babili aba yuyo umusalite,


U Chala yuyo aghumenye umoyo uwa muntu wesi, akasimikizya kukwabo pakubapa u Muzimu Umuzelu ukuyana namumo akatupelela aswe.


Pakuti atalipo umuntu yuyo u Chala akumunena ukuti mugholosu pamaso papache pachifukwa icha kukonka Indaghilo. Loli Indaghilo zikumupela umuntu ukuti imanye ukuti ananga.


Sona u Chala yuyo akwenelezya mukasi mumoyo ghitu, azimenye mumo zibeleye inyinong'ono izya Muzimu Umuzelu pakuti u Muzimu Umuzelu akubiputila abantu bache abazelu ukuyana nu bwighane bwache.


Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.


Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.


Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”


Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.


Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”


Lean sinn:

Sanasan


Sanasan