Luka 15:24 - IBAYIBOLO 2024

²⁴ Pakuti umwana wane uyu akafwa, loli ilelo mumi. Akasobela, loli ilelo aghiwa.’ Po ulusekelo lukanda.

Ulufingo Ulupya

²⁴ Pakuti umwana wane uyu akafwa, loli ilelo mumi. Akapankuka, loli ilelo aghiwa.’ Po ulusekelo lukanda.

Luka 15:24 Iomraidhean Croise

Ubwandilo 45:28

U Yakobo akati, “Umwana wane u Yosefu achili mumi! Nkwiza pakubuka ukuti imwennye, bo inchili intafuye.”

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 66:11

Pakuti mukwiza pakonka amabele, ukuti musangalusiwanje nukwikuta, mukwiza pakung'wela nkani, sona nukuhoboka nulukama ulwinji ulwa kubakwana.”

Ezekiyeli 34:16

Nkwiza pakuzilonda zizyo zisobelite nukuzinyosya zizyo zyapulumpa. Nkwiza pakuzipinya ivilonda zizyo zivulaye nukuzikazya zizyo zidedebaye, loli inyine ni zyamaka nkwiza pakuzinangannya. Nkwiza pakuzidima ing'ozi nubwanaloli.

Ezekiyeli 34:4

Mutakuzisungilila ing'ozi idedebazu pamo pakuzipozya zizyo zibinite pamo pakuzipinya zizyo zivulaye. Mutazinyosizye zizyo zyasobela pamo pakuzilonda zizyo zyapulumpa. Mwazilongozya umwabukali umwakusita kumanya.

Matayi 8:22

U Yesu akamula akati, “Nkonka. Baleke abafwe basyilane abafwe benebene.”

Maliko 8:22

U Yesu na bamanyili bache bakafika mukaya aka Betisayida, kuko abantu bamo bakiza nu mufwamaso nukumulaba u Yesu ukuti abike inyobe papache.

Luka 10:19

Teghelezya, nabapa ubulaghili ubwakuti mungakanya injoka na bankonya nukupota amaka agha mulwani yula, po nachimochimo chicho chikwiza pakubavulazya.

Luka 15:23

Po sona mubuke musende ingwata inyine nukughogha ukuti tulye nukusekela.

Luka 15:25

“Pakabalilo kalakala umwana usongo akaba kumughunda. Bo apalamila bulo kunyumba, akivwa inyimbo nukujina ukwa bantu.

Luka 15:32

Loli zagha tusekelaye pakuti umuzuna wako akafwa, loli ilelo mumi. Akasobela, loli ilelo aghiwa.’ ”

Luka 15:4

“Buli nanti umuntu yumo ali ni ng'ozi 100, po yoka yasobela? Nkimba atakuzileka izinji 99 zila munkolongo nukubuka pakulonda yiyo yisobelite mupaka ayaghe.

Luka 19:10

Pakuti u Mwana uwa Muntu akiza pakupoka abantu abakusobela.”

Luka 9:60

U Yesu akamula akati, “Baleke abafwe basyilane abafwe benebene. Loli awe, kalumbililaye nizya Bumwene ubwa Chala.”

Yohani 11:25

U Yesu akamubuzya akati, “Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa.

Yohani 5:21

Ngati mumo Uwise akuzyusizya abafwe nukubapa ubumi, umwakuyana bulo wepe u Mwana akubapa ubumi babo akulonda ukubapa.

Aba Loma 11:15

Nanti abantu aba muchisu ichapasi bakasayana nu Chala pachifukwa ichakuti akabakana aba Yuda, nkimba kukwiza pakuba bulibuli bo bakupokeliwa sona? Kukwiza pakuba ngati bo bantu abafwe, babo bazyuka kubufwe.

Aba Loma 12:15

Hobokagha poka na babo bahobokite, lilagha poka na babo bakulila.

Aba Loma 6:11

Umwakuyana bulo, mubaghiye mwipimaye mwebene pakuba ngati mwe bantu abafwe kumbibi, loli pakuba nubumi pamaso pa Chala pakumamatilana poka nu Kilisitu u Yesu.

Aba Loma 6:13

Mutakiyipe ichigaba chimo icha mubili winyu kumbibi ukuti chibombe imbombo imbibi. Loli mwiyipe mwebene kwa Chala, ngati bo bantu babo bazyuka bulo kubufwe, sona bali nubumi. Mwiyipe amabili ghinyu kwa Chala ukuti ghabombe imbombo ingolosu.

Aba Loma 8:2

Pakuti indaghilo izya Muzimu Umuzelu zizyo zikutupa aswe ubumi ukwendela mwa Kilisitu u Yesu, zinyabuye ku ndaghilo izya mbibi na kubufwe bulo.

1 Aba Kolinti 12:26

Nanti ichigaba choka chikwivwa ukubaba, ivigaba vyosi vikwivwila poka ukubaba nacho. Nanti ichigaba choka chikuchindikiwa, ivigaba vyosi vikuhobokela poka nacho.

Aba Efeso 2:1

Kale mukaba mwe bantu abafwe pachifukwa icha kunyongana kwinyu, sona ni chifukwa icha mbibi zyinyu.

Aba Efeso 2:5

napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache.

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”

Aba Kolosi 2:13

Amwe kale mukaba mwe bantu abafwe pachifukwa icha mbibi zyinyu, sona pachifukwa ichakuti mukaba abasita kusilimuliwa mumoyo ghinyu. Loli ilelo u Chala abapiye ubumi poka nu Kilisitu. U Chala akatuhobokela imbibi zyitu zyosi.

1 Timoti 5:6

Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

Yuda 1:12

Abantu banaba bakunyazya ulusekelo lwinyu ulwa bupoka. Bakulya poka namwe umwakusita isoni, sona bapafu. Bayanite bulo na mabingu ghagho ghakuputiwa ni mpepo, loli ghatakwiza ni vula. Bayanite bulo na makwi ghagho ghatakwela ivikomwa napapo kabalilo kache, sona ghagho ghanyunkuliwe nukufwila zila.

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.