Luka 15:22 - IBAYIBOLO 2024

²² Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

Ulufingo Ulupya

²² Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

Luka 15:22 Iomraidhean Croise

Ubwandilo 41:42

U Falabo akavula impete yache iya bumwene mukafingwi kache nukumuvwika u Yosefu mukafingwi kache. Akamuvwika sona inkazo intonte, po akamuvwika sona akamunyololo aka golide musingo.

Esitele 3:10

Po u mwene akavula impete iya chidindo chache nukumupa u Hamani umwana uwa Hamedata umu Agagi umulwani uwa ba Yuda yula.

Esitele 8:2

U mwene akavula impete iya chidindo chache, yiyo akamufyula u Hamani nukumupa u Molodikayi. U Esitele akamusala u Molodikayi pakuba we kapitawa uwa katundu uwa Hamani.

Masalimo 132:16

Abaputi bache akwiza pakubavwika inkazo izya bupoki, po abantu bache abazelu, bakolomokaye nu lusekelo.

Masalimo 132:9

Abaputi bako bavwalaye ubugholosu, sona abantu bako abazelu bimbaye nu lusekelo.

Masalimo 18:33

Inyayo zyane akuzipela pakuba ngati zya mbabala, sona akunsunga akiza bo indi mumaghamba.

Masalimo 45:13

Umwana umulindu umwiza nkani uwa mwene ali muchipinda chache, sona avwalite amenda agha golide.

Inyimbo izya Solomoni 7:1

Wee mulindu uwa chimwene, inyayo zyako zikuboneka akiza nkani, bo uvwalite inkwato. Intapatapa zyako zityelemukite akiza ngati mabwe aghamutengo, ghagho ghapangiwe nu fundi umwenecho.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Luka 15:21

Umwana yula akati, ‘Tata, namunangila u Chala poka nawe bulo. Ntabaghiye nukwitiziwa sona mwana wako.’

Luka 15:23

Po sona mubuke musende ingwata inyine nukughogha ukuti tulye nukusekela.

Aba Loma 13:14

Loli umwenecho u Mwene u Yesu Kilisitu abanje chilwilo chinyu icha bwite, sona mutakakonkaye ivinyonywa vyinyu ivibibi ivyakupapiwa navyo, nukubomba vivyo ghakulonda.

Aba Loma 3:22

U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo,

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

Aba Galatiya 3:27

Ukwendela mu lozyo mukamamatilana poka nu Kilisitu, sona mwivwika mwebene nubumi ubwa Kilisitu.

Aba Efeso 6:15

Ukwiyannya kwinyu pakulumbilila Amazyu Amiza aghamutende ko kubanje zyo nkwato zizyo mukuvwala kunyayo zyinyu.

Ukukumbusya Amalamulo 33:25

Utwaya twache utukulu nkani tuli ni milyango iya chela, sona amaka ghache ghayane bulo nubumi bwache.

Ubuvumbuli 19:8

Yuyo akusendwa apeghiwe amenda amaswepu, sona ghagho ghasoniwe akiza ukuti avwalaye.” (Amenda amaswepu ghakwimilila imbombo inyiza izya bantu abazelu aba Chala.)

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 3:18

Polelo nkukubuzya ukuti ughule kukwane ugolide yuyo asyaniwe numoto, ukuti ubanje we mukabi. Ughule sona amenda amaswepu, uvwale ukuti ufise inkule yako nkozyasoni. Ughule umulembo, upake mumaso ghako, umwakuti ungennya.

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.