Luka 15:20 - IBAYIBOLO 2024

²⁰ Po akanyamuka nukunyokela kwa wise.’ “Bo achili ali pabutalipo ni nyumba uwise akamwennya. Umoyo wache ghukizula ni chitima akachimbila nukumukukila, sona akamulamuka nu lughano.

Ulufingo Ulupya

²⁰ Po akanyamuka nukunyokela kwa wise.’ “Bo achili ali pa butalipo ni nyumba uwise akamwennya. Umoyo wache ghukizula ni chitima akachimbila nukumukukila, sona akamulamuka nu lughano.

Luka 15:20 Iomraidhean Croise

Ubwandilo 33:4

Loli u Esabu akachimbila pakukomana nawe akamukumbatila nukumukukila. Abantu bosi babili aba bakalilagha.

Ubwandilo 45:14

U Yosefu akamukumbatila umuzuna wache u Benjamini, nukulila. Wepe u Benjamini akamukumbatila nukulila.

Ubwandilo 46:29

u Yosefu akakwela mungolo yache pakukomana nu wise u Yakobo ku Gosheni. Bo afika akamukukila, sona akalila akabalilo akatali nkani.

2 Samuweli 14:33

U Yowabu akabuka kwa mwene nukumubuzya amazyu ghanagha. U mwene akamwitizya u Abisalomu, po u Abisalomu akiza pamaso pa mwene nukufughama, bo icheni chache chikotamiye pasi. U mwene akamupokela akiza u Abisalomu pakumufyofyonta.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Yesaya 49:15

Nkimba u umukolo angamuluvya umwana wache yuyo akumonkezya, nukuleka pakuba ni chililizi nu mwana yuyo amupapite? Napapo angamuluvya, ane intangabaluvya, awe!

Yesaya 57:18

Nazyennya izila zyache, loli nkwiza pakumupozya, nkwiza pakumulongozya nukumusangalusya,

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Luka 15:19

Ntabaghiye pakwitiziwa sona mwana wako. Unsende ngati ne yumo uwa bambombo bako.

Luka 15:21

Umwana yula akati, ‘Tata, namunangila u Chala poka nawe bulo. Ntabaghiye nukwitiziwa sona mwana wako.’

Imbombo 2:39

Pakuti u Chala akabalayizya ichi amwe poka na bana binyu, sona na bantu bosi babo bali kubutali—abantu bosi babo u Mwene u Chala witu akwiza pakubitizizya kukwache.”

Imbombo 20:37

Bosi bakalilagha bo bakumukukila nukumufyofyonta nukulaghana nawe.

Aba Efeso 2:13

Losi ulu mwebosi amwe mwe kale mukaba kubutali nu Kilisitu u Yesu mwabuziliwa kupipi ni banda ilya Kilisitu.

Aba Efeso 2:17

Po u Kilisitu akiza nukulumbilila umutende kukwinyu, amwe mwe mukaba kubutali nu Chala, sona na bantu babo bakaba papipi nawe.