Luka 14:23 - IBAYIBOLO 2024

²³ Po u mwene wache akamubuzya uwambombo yula akati, ‘Bukagha mumisebo na kuzila izya kaya aka wize na bantu pamaka, ukuti inyumba yane yizule.

Ulufingo Ulupya

²³ Po umwene wache akamubuzya uwambombo yula akati, ‘Bukagha mumisebo na kuzila izya kaya aka wize na bantu pamaka, ukuti inyumba yane yizule.

Luka 14:23 Iomraidhean Croise

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 98:3

Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Yesaya 11:10

Pisiku lilalila Weka uwa banyenya aba Yese akwiza pakwima ngati chimanyilo icha inko zyosi, zikwiza pakumulonda, po ubuzilo bubo akwikalapo bukwiza pakuba buchindamu.

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Matayi 21:43

“Polelo nkubabuzya ukuti Ubumwene ubwa Chala bukwiza pakufyuliwa kukwinyu nukubapa abantu abanji, babo bangapa ivikomwa ivyiza.”

Matayi 5:41

Nanti umusilikali akukufyenga ukuti wende nawe amamita 1,000, wende nawe amamita 2,000.

Luka 14:22

Bo uwambombo yula abwelako akati, ‘Wee Mwene, nabomba vyosi vivyo ukandamula, loli ubuzilo buchili bulipo.’

Luka 14:24

Nkukubuzya ukuti nayumo umuntu uwa bantu babo nkabitizya yuyo akwiza pakughonja ivya palusekelo lwane.’ ”

Luka 24:29

Loli bakamulambilizya bakati, “Ikala naswe pakuti kwanda kale pakwila, sona ichisi chandako.” Po akinjila nukwikala nabo.

Imbombo 16:15

Pisinda pache bo yuyo na bantu abamunyumba yache boziwa, akatwitizya aswe akati, “Nanti naloli mwanyennya ukuti ne mwitiki mwa Mwene, zagha mwikale munyumba yane.” Akatupepeka ukuti tubuke.

Imbombo 18:6

Bo Aba Yuda bamususya nukumusamula, u Pabuli akabamula pakukung'unta ulufumbi munkazo yache nukubabuzya ukuti, “Nanti mwasobela lwinyu nu lwinyu! Yite nongwa yane. Ukwandila pakabalilo aka nkwiza pakubuka pakasi pabantu babo bate ba Yuda.”

Imbombo 28:28

U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

Aba Loma 10:18

Loli imbalalusye: Nkimba kokuti aba Izilayeli batakivwa Amazyu Amiza? Naloli bakaghivwa pakuti Amasimbo ghakuti, “Izyu lyabo likivwika pachisu chosi ichapasi, amazyu ghabo ghakafika mupaka kubumalilo ubwa chisu ichapasi.”

2 Aba Kolinti 5:11

Aswe tumenye pakumunyila u Mwene, tukuyezya pakubadeba abanji. U Chala atumenye mumo tubeleye, sona nkusubila ukuti namwe bulo mumoyo ghinyu mutumenye aswe.

2 Aba Kolinti 5:20

Aswe twe bimilili ba Kilisitu, ngati po u Chala akubalambilizya ukwendela mumwitu. Tukubalaba mwitabwa ilya Yesu Kilisitu ukuti musayane sona nu Chala.

2 Aba Kolinti 6:1

Pakuti tukubomba imbombo poka nu Chala, tukubalaba ukuti mutakachipokelaye ichisa icha Chala ngati po chintu chicho chite ni mbombo.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 1:28

U Kilisitu weyuyo tukulumbilila pakasi pabantu bosi. Na mahala ghosi tukubasoka nukubamanyisya, umwakuti abantu bosi bize kwa Chala pakuba bantu abakufikapo mwa Kilisitu.

2 Timoti 4:2

ulumbililaye amazyu agha Chala. Wiyannye pakughalumbilila pakabalilo kako abantu bakughalonda, sona na pakabalilo kako abantu batakughalonda. Ubasoke nukubachemela, sona nukubakazya, bo ukubamanyisya nu bololo.