Luka 14:13 - IBAYIBOLO 2024

¹³ Loli nanti ukuyannya ulusekelo, witizye abantu abapina, na bantu abalemazu, sona na bafwamaso.

Ulufingo Ulupya

¹³ Loli nanti ukuyannya ulusekelo, witizye abantu abapina, na bantu abalemazu, sona na bafwamaso.

Luka 14:13 Iomraidhean Croise

2 Samuweli 6:19

Po u Devedi akabagabila aba Izilayeli bosi abanavuli na bakolo ichibama, ni chipuza icha nyama inyoche, sona ni chitumbuwa ichipapate. Pabumalilo abantu bosi bakabwela.

2 Imbili 30:24

U mwene u Hezekiya uwamu Yuda akabapa abantu bala inkambaku 1,000 ni ng'ozi 7,000 sona ni mbuzi sona amakambala ghakabika inkambaku 1,000 ni ng'ozi 10,000 sona ni mbuzi. Pakabalilo kala abaputi abinji nkani bakipaghula bene.

Nehemiya 8:10

U Nehemiya akati, “Bukagha pakusekela kunyumba zyinyu. Mugabanaye na bantu babo bate ni chakulya pamo uvinyo uwakukwana. Isiku ili lipaghuliwa kwa Mwene. Po mutakabanje ni chitima, pakuti Mwene weyuyo akubapa amaka aghakuti muhobokaye.”

Nehemiya 8:12

Po abantu bosi bakabwela pakulya nukung'wela, sona bakagabana na bantu abanji ivintu vivyo bakaba navyo, pachifukwa ichakuti bakivwisya vivyo vikabelengiwa.

Yobu 29:13

Umuntu yuyo akaba papipi pakafwa akansaya, po nkabasangalusya abafwilwe ni nyimbo izya lusekelo.

Ivyili 14:31

Umuntu yuyo akubayivya abapina, kokuti akumusamula Umupeli wache. Loli yuyo akubapelela ichisa abapotwe, kokuti akumuchindika u Chala.

Ivyili 22:9

Umuntu umupi akusayiwanga, pakuti akugabana ivyakulya vyache na bapina.

Yesaya 58:10

nanti mukubapa ivyakulya babo bali nizala, nukubavwa babo bakuyiviwa, po ulukozyo lukwiza pakulamila muchisi, sona ubusiku bwinyu bukwiza pakuba ngati musanya.

Yesaya 58:7

Nkimba te kugabana ichakulya nababo bali nizala, nukubasendela kunyumba yako babo bakwendenda bulo, nukubavwika babo bate namenda, nukubavwa abakamu bako?

Matayi 15:30

Ichilundilo ichikulu icha bantu chikiza na bantu abalemazu, na bantu abafwamaso, na bantu babo bafuye ivinama, na bachinunu, sona na babine abinji, babo bakababika munyayo izya Yesu, po akabapozya.

Matayi 22:10

Po abambombo bakabuka mumisebo nukwitizya abantu bosi babo bakabagha, abiza na babibi bulo; inyumba yiyo bakapangilaghamo ulusekelo yikizula na bantu.

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Luka 14:12

U Yesu akamubuzya umuntu yuyo akamwitizya pakulya nawe yula akati, “Nanti ukuyannya ichakulya icha pamusanya pamo icha pachamabwila, utakabitizye abamanyani bako, pamo abawamwinyu, pamo abakamu bako, pamo abapalamani bako abakabi, pakuti bope bakwiza pakukwitizya, po bunubu bakwiza pakukunyosezya chicho ukababombela.

Luka 14:14

Po ukwiza pakusayiwa pachifukwa ichakuti bate nacho nachimo ichakukunyosezya papo. U Chala akwiza pakukunyosezya pisiku lilyo abantu abagholosu bakwiza pakuzyuka kubufwe.”

Luka 14:21

Uwambombo yula akanyokela nukumubuzya vyosi u mwene wache. U mwene yula akakalala nkani nukumubuzya uwambombo yula ukuti, ‘Bukagha losi ulu mumisebo imikulu ni minandi nukwiza na bapina, na babo bafuye ivinama na bafwamaso, sona na balemazu.’

Imbombo 9:39

Po u Pitala akanyamuka nukubuka nabo. Bo afika, bakabuka nawe muchipinda chilachila mumo abafwilwe bosi bakamubunganila, ukulila nukumulanjizya inkazo na menda ghagho u Dolika akasona bo achili mumi.

Ukukumbusya Amalamulo 14:29

umwakuti aba Levi, babo bate ni chigaba pamo ichilingo ichabo ni chabo, sona na bayeni, na balanda, na bakolo abafwilwe, babo bakwikala mutwaya twinyu bangalya vilavila nukwikuta. Po u Mwene u Chala winyu akwiza pakubasaya muvyosi vivyo mukubomba.

Ukukumbusya Amalamulo 16:11

Po amwe poka na bana binyu abalumendo na balindu na bambombo binyu abalumendo na balindu naba Levi na bayeni na balanda sona na bakolo abafwilwe babo bakwikala mutwaya twinyu musekelaye pamaso pa Mwene u Chala winyu pabuzilo bwache ubwakwikalamo bubo akwiza pakubusala.

Ukukumbusya Amalamulo 16:14

Amwe poka na bana binyu abalumendo na balindu na bambombo binyu abalumendo na balindu naba Levi na bayeni na balanda sona na bakolo abafwilwe babo bakwikala mutwaya twinyu musekelaye ulusekelo lulalula.

1 Timoti 3:2

Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema nu mololo nu wamuchizi nu wakupokela abayeni, uwakumanya pakumanyisya.

1 Timoti 5:10

Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

Titi 1:8

Loli abanje muntu uwakupokela abayeni, nukuchighana chicho chiza. Abanje wakwilema nu mugholosu nu muzelu, sona nu wankalo inyiza.

Filimoni 1:7

Mukamu witu, ulughano lwako lwampa ubuhobosu nkani nu lukazyo, pakuti waghasangalusya amoyo agha bantu abazelu aba Chala.

Aba Hebeli 13:2

Mupokelaye akiza abayeni munyumba zyinyu. Pakuti pakubomba bunubu abantu bamo bakapokela abantumi aba Chala umwakusita ukuzimanya.