Luka 13:19 - IBAYIBOLO 2024

¹⁹ Buyanite bulo nu muntu yuyo akusenda akambeyu akanandi aka ikwi nukupesa mumughunda wache. Ichibyalwa chikukula nukuba likwi, umwakuti utuyuni tukwiza nukulukamo ivivumbo vyabo musamba zyache.”

Ulufingo Ulupya

¹⁹ Buyanite bulo nu muntu yuyo akusenda imbeyu iya muzimwa nukupesa mumughunda wache. Ichibyalwa chikukula nukuba likwi, umwakuti utuyuni tukwiza nukulukamo ivivumbo vyabo musamba zyache.”

Luka 13:19 Iomraidhean Croise

Inyimbo izya Solomoni 4:12

Wee wapamoyo wane, wee mughaniwa wane, awe uli ngati mughunda ghugho baghuzengeleye ulupaso. Awe uli ngati chiziba chicho chighaliliwe, sona ngati imbwibwi yiyo yimatiwe mulubazu lwache.

Inyimbo izya Solomoni 4:16

Vundumuka, wee mpepo iyakumitu, wee mpepo iyakuntende, zagha. Putilagha mumughunda wane, umwakuti umunusi wache umwiza ghufikaye posi na posi. Leka umughaniwa wane izaghe mumughunda wache, umwakuti alyanje ivikomwa ivyiza.

Inyimbo izya Solomoni 6:2

Umughaniwa wane abukite kumughunda, kumughunda wache uwa twakunonezya ivyakulya. Abukite pakudima umudimo wache kumughunda, sona pakubungannya ubwezya.

Inyimbo izya Solomoni 8:13

Awe we ukwikala mumughunda, abamanyani bane bakulonda bivwanje izyu lyako, po nyitikizya ukuti nane bulo indyivweko izyu lyako.

Yesaya 53:1

Nkimba wewenu yuyo azisubila zizyo twazyivwa, sona wewenu yuyo u Mwene amuvumbulila amaka ghache?

Yesaya 53:10

Loli bukaba bwighane ubwa Mwene ukuti amuvulazye bunubu nukumupelela amayimba, u Mwene akabupela ubumi bwache, pakuba chakwiyipa ichakupepesezya inongwa, akwiza pakwennya abizikulu bache, nukuba nubumi ubutali, sona ubwighane ubwa Mwene bukwiza pakukwanilisiwa mumwache.

Yesaya 58:11

U Mwene akwiza pakukulongozya akabalilo kosi, nukubapa ivintu ivyiza, nukubapa amaka mumabili ghinyu. Mukwiza pakuba ngati mughunda, ghugho ghusembeliwe akiza, ngati chiziba chicho amizi ghatakumalamo.

Yesaya 61:11

Pakuti ngati mumo itope likumezezya imbeyu, sona ngati mumo umughunda, ghukukuzizya imbeyu, zizyo babyalitemo, momumo u Mwene Uwamaka Ghosi, wepe akwiza pakubombela nu bugholosu, namapalo pamaso pa inko zyosi.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Ezekiyeli 31:6

Iviyuni vyosi ivya mumwanya vikaluka ivivumbo mulamula musamba zyache, ivinyamana vyosi ivya mumisitu vikapapila utwana muntende musamba, inko inkulu nkani zikikalagha mukazundila kache.

Daniyeli 4:12

Amani ghache ghakabonekagha akiza nkani, sona likaba ni seke inyinji nkani izyakuvikwana ivipeliwa vyosi ivya pachisu ichapasi. Ivinyamana vikatuzyanga mukazundila kache, sona vyope iviyuni vikikalagha mu samba zyache. Ivipeliwa vyosi vikalyanga ivikomwa vyache vila.

Daniyeli 4:21

Amani ghache ghakabonekagha akiza nkani, sona likaba ni seke inyinji izyakuvikwana ivipeliwa vyosi ivya pachisu ichapasi, ni vinyamana vikikalagha mukazundila kache, sona vyope iviyuni vikuluka ivivumbo musamba zyache.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Matayi 17:20

U Yesu akamula akati, “Pachifukwa ichakuti mwe bantu aba lwitiko ulunandi. Naloli nkubabuzya ukuti nanti mukabanga nu lwitiko napapo lunandi bulo ngati ko kambeyu aka muzimwa, ngali mwalibuzya ighamba ili ukuti, ‘Epapo pano bukagha pala,’ naloli lingabuka. Ngali mwabombite ivintu vyosi!”

Maliko 4:30

U Yesu akalalusya akati, “Nkimba Ubumwene ubwa Chala buyanite ni choni? Fwandi chili choni chicho tungabombezya pakulingannya Ubumwene ubwa Chala?

Luka 17:6

U Mwene akamula akati, “Nanti mukabanga nu lwitiko napapo lunandi bulo ngati ko kambeyu aka muzimwa, ngali mukulibuzya ikwi ilya tuntonongwa ukuti, ‘Nyunkuka nukwibyala munyanja!’ Po lingabivwila.”

Imbombo 2:41

Po abantu abinji bakasubila amazyu ghache nukoziwa. Pisiku lilalila abantu abakukwana 3,000 bakonjeleziwako ku kabukatila kabo.

Imbombo 21:20

Bo bivwa zinizi, bakamupala u Chala. Po bakanena kwa Pabuli bakati, “Mukamu Pabuli, ukwennya amasabuzani na masabuzani agha ba Yuda, babo baba bitiki, sona namumo biyipiye pakukonka Indaghilo izya Mozesi.

Imbombo 4:4

Loli abinji babo bakivwa amazyu bakasubila. Sona ubwinji ubwa bitiki bukonjelela pakufika pa 5,000.

Aba Loma 15:19

sona nukwendela mu vyika ni viswigho, sona na maka agha Muzimu Umuzelu uwa Chala. Po ukwandila mu Yelusalemu mupaka mu Ililikumu nalumbilila nkani Amazyu Amiza agha Kilisitu.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”