Luka 12:45 - IBAYIBOLO 2024

⁴⁵ “Loli nanti uwambombo yula mubibi, akunena mwene ukuti, ‘U mwene wane akukaba nkani pakubwela.’ Po akwanda pakubakoma abambombo abanji, bosi abanavuli na bakolo bulo, sona akulya, akung'wela nukukolwa.

Ulufingo Ulupya

⁴⁵ “Loli nanti uwambombo yula mubibi, akunena mwene ukuti, ‘U mwene wane akukaba nkani pakubwela.’ Po akwanda pakubakoma abambombo abanji, bosi abanavuli na bakolo bulo, sona akulya, akung'wela nukukolwa.

Luka 12:45 Iomraidhean Croise

Yobu 24:23

Angabitikizya abantu ababibi ukuti batuzyanje umwakufwasa, loli amaso ghache ghakwennya akendele kabo.

Yesaya 65:6

“Ennya, zisimbiwe pamaso papane ukuti, Ntakwiza pakuba bulo myee, loli nkwiza pakubatanizya umwakukwana, nkwiza pakubatanizya zizyo zibabaghiye,

Yelemiya 20:2

po akabalamula abantu ukuti bamukome u Yelemiya umulaghuzi nukumupinya ni mpingu papipi nu Mulyango Uwapamwanya uwa Benjamini mu Nyumba iya Mwene.

Ezekiyeli 12:22

“Wee mwana uwa muntu, nkimba choni chicho muli ichili ichi muchisu icha Izilayeli pakuti, ‘Amasiku ghakubuka sona ivisetuka vyosi vikubanga vyabulo’?

Ezekiyeli 34:8

U Mwene Uwamaka Ghosi akuti: Naloliloli nkulapa, pachifukwa ichakuti ing'ozi zyane zitakaba nu mudimi sona zikafyuliwa pakuba chakulya icha vinyamana ivya munkolongo, pachifukwa ichakuti abadimi bane batakazilondelezya ing'ozi zyane loli bakisungilila bene mubuzilo ubwakuzisungilila ing'ozi zyane,

Matayi 22:6

abanji bakabalema abambombo bala, bakabakoma nukubaghogha.

Luka 12:44

Naloli nkubabuzya ukuti u mwene wache akwiza pakumubika uwambombo yula pakuba we songo uwa vintu vyache vyosi.

Luka 12:46

U mwene uwa bambombo yula akwiza pisiku lilyo bo uwambombo yula iyekeye na pakabalilo kako atakamenye. U mwene yula akwiza pakumudumulannya nukumusumbila mubuzilo ubwa bantu abasita ukwivwila.

Luka 21:34

“Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

Yohani 2:10

nukumubuzya ukuti, “Umuntu wesi pakwanda akubapa abantu uvinyo umwiza, po nanti abantu bikuta, akubapa uvinyo umubibi. Loli awe wafisite uvinyo umwiza mupaka ulu.”

Imbombo 2:18

Pakabalilo kalakala nkwiza pakupungulila Umuzimu wane, pa bambombo bane abanavuli na bakolo bulo, nukulaghula amazyu ghane.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

2 Aba Kolinti 11:20

Pakuti mukwennya bulo nanti umuntu akubapima ngati po mwe bazya, pamo pakubafyula ivintu vyinyu, pamo pakubachevya, pamo pakubayivya, pamo pakubakoma kumaso.

Ukukumbusya Amalamulo 12:12

Kulakula amwe poka na bana binyu abalumendo na balindu na bambombo binyu abalumendo na balindu sona naba Levi babo bakwikala mutwaya twinyu, babo bate ni chigaba pamo impyana iyabo ni yabo musekelaye pamaso pa Mwene u Chala winyu.

1 Aba Tesalonika 5:7

Pakuti abantu babo bakughona utulo, bakughona pabusiku, sona abantu babo bakukolwa, bakukolwa pabusiku.

2 Pitala 2:13

nukufundiwa ukuyana nu bubibi bwabo. Chicho chizapo kukwabo ko kubomba izyakughahobosya amabili ghabo pamusanya. Abene bayanite ni vintu ivinyazu, sona bakukozya isoni pakuti bakuhoboka nkani pakubazimbula, bo mukulya poka nabo.

2 Pitala 2:19

Bakulayizya pakubapa abantu ubwabuke, bo abene bazya ba mbibi. Pakuti umuntu akuba muzya uwa chintu chosi chicho chamupota.

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”

Ubuvumbuli 18:24

Akaya aka Babiloni kakufundiwa pachifukwa icha libanda ilya balaghuzi, nilya bantu abazelu aba Chala sona nilya bantu bosi babo bakaboliwa muchisu ichapasi.”