Luka 12:4 - IBAYIBOLO 2024

⁴ “Bamanyani bane, nkubabuzya, mutakabanyilaye abantu babo bangaghogha umubili, loli pisinda pache batangabomba nachimochimo ichinji.

Ulufingo Ulupya

⁴ Bamanyani bane, inkubabuzya, mutakabanyilaye abantu babo bangaghogha umubili, loli pisinda pache batangabomba nachimochimo ichinji.

Luka 12:4 Iomraidhean Croise

Ivyili 29:25

Ukubanyila abantu kuli ngati cho chipingo, loli yuyo akumusubila u Mwene akuba pabwiza.

Inyimbo izya Solomoni 5:1

Wee wapamoyo wane, sona mughaniwa wane, ninjila mumughunda wane. Indi pakwilagha amafuta agha mule, poka nu twakufukizya utwakununkila utunji. Nkulya ichitenga poka nu buchi bwache, sona nkung'wela uvinyo wane poka nu lukama lwane. Mwee bamanyani bane, lyanga, ng'welagha mupaka papo mwikuta, mwee baghaniwa bane.

Inyimbo izya Solomoni 5:16

Imilomo yache yikunhobosya nkani, mumwache vyosi vili akiza bulo. Mwee bakolo aba mu Yelusalemu, umu momumo abeleye umughaniwa wane, sona nu mumanyani wane.

Yesaya 41:8

“Wee mubombi wane u Izilayeli, yuyo namusala, we waluko ulwa Abulahamu umumanyani wane,

Yelemiya 1:17

“Loli awe Yelemiya, wiyannye. Nyamuka, ubabuzye zyosi zizyo nkukulamula. Utakabanyilaye pamo ukuti ningakoghofya pamaso papabo.

Yelemiya 1:8

Utakabanyilaye, pakuti indi nawe sona nkwiza pakukupoka. Ane ne Mwene nanena!”

Yelemiya 41:18

Bakabanyilagha abasilikali aba ku Babiloni, pachifukwa ichakuti u Ishimayeli umwana uwa Netaniya akamughogha u Gedaliya umwana uwa Ahikamu, yuyo akasaliwa nu mwene uwa ku Babiloni pakuba mulaghili uwa chisu.

Ezekiyeli 2:6

Sona nawe we mwana uwa muntu utakabanyilaye, utakanyilaye, napapo abantolovu namivwa vikuzyunguliye sona ukwikala pakasi pabankonya. Utakanyilaye zizyo bakunena pamo bakukoghofya, napapo abamunyumba iyakusambuka.

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Yohani 15:13

Nayumo umuntu yuyo ali nu lughano ulukulu nkani ukuchila ulu ulwakuti abutaghe ubumi bwache pachifukwa icha bamanyani bache.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 4:13

Abalongi bala bakaswigha pakwennya ubujivu ubwa Pitala nu Yohani, nukuzyaghannya ukuti bakaba bantu bulo, babo batakaba nu bumanyi nabumobumo. Po bakazyaghannya ukuti bakabanga poka nu Yesu.

Aba Filipi 1:28

Mutakabanyilaye abalwani binyu. Mubanje bajivu nkani bwila, po ichi chikwiza pakubasimikizya ukuti bakwiza pakupotwa, sona amwe mukwiza pakupota, pakuti u Chala weyuyo akubapa ubupoti.

Yakobo 2:23

Sona Amasimbo ghakakwanilisiwa aghakuti, “U Abulahamu akamusubila u Chala, pachifukwa icha lwitiko lwache u Chala akamunena pakuba mugholosu pantazi papache.” Po cho chifukwa akaba mumanyani uwa Chala.

1 Pitala 3:14

Loli napapo mungayimba pachifukwa ichakubomba chicho chigholosu, mwe basayiwa nkani. Mutakamunyilaye nayumo umuntu, sona mutakapasyanje.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.