Luka 12:32 - IBAYIBOLO 2024

³² “Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.

Ulufingo Ulupya

³² Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.

Luka 12:32 Iomraidhean Croise

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 41:14

“Wee somi, Yakobo utakanyilaye, mwe bantu aba mu Izilayeli mutakanyilaye! Nkwiza pakubavwa, ane ne Mutabuli sona u Muzelu uwa Izilayeli.

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Yelemiya 3:19

U Mwene akuti, “Wee Izilayeli, nalondagha pakukupokela, ngati we mwana wane nukukupa ichisu ichiza nkani, ichilingo ichiza nkani ichakuchila icha inko zyosi. Ninong'onagha ukuti unyitizyanje ukuti, ‘Tata,’ sona nukuti utakwiza pakuleka pakunkonka.

Matayi 14:27

Panapo na panapo u Yesu akababuzya akati, “Mutakatetemaye! Nene. Mutakanyilaye.”

Matayi 20:16

Pabumalilo u Yesu akati, “Babo babumalilo, bakwiza pakuba bakwanda, sona babo bakwanda bakwiza pakuba babumalilo.”

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

Yohani 18:36

U Yesu akamula akati, “Ubumwene bwane bute bwa muchisu ichi awe. Nanti ubumwene bwane bukabanga bwa muchisu ichi, po ngali abakonki bane bakundwila ukuti intakabikiwe munyobe izya balaghili aba Chiyuda. Awe! Ubumwene bwane bute bwa muchisu ichapasi.”

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Imbombo 20:29

Inzimenye ukuti bo nabuka impumpi inkali zitakwiza pakughuleka bulo umudimo.

Aba Loma 6:23

Pakuti amalipilo agha mbibi, bo bufwe. Loli ichabupi ichabulo icha Chala, bo bumi pakumamatilana poka nu Kilisitu u Yesu u Mwene witu.

1 Aba Kolinti 1:21

Pakuti u Chala mumahala ghache, akabatikila zila ukuti abantu batakamumanye na mahala ghabo. Loli chikamuhobosya u Chala ukuti abapoke abantu babo bakughasubila amazyu ghagho tukulumbilila, napapo abene bakuti ghabupunganu.

Aba Filipi 2:13

Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.

2 Aba Tesalonika 1:11

Ichi cho chifukwa tukubiputila amwe akabalilo kosi ukuti u Chala witu abapele pakuba bantu bakubaghila mubumi bubo umwene akabitizizya. Na maka ghache, u Chala abavwe amwe pakubomba zizyo mukulonda pakuzibomba, sona nukuti mukwanilisye zyosi zizyo mukubomba ukwendela mu lwitiko lwinyu,

2 Aba Tesalonika 1:5

Vyosi vinivi vikusimikizya ukuti ubulongi ubwa Chala bugholosu. Chicho u Chala akulonda chakuti mubanje bantu bakubaghila ukwinjila mu Bumwene bwache, bubo mukuyimbilapo.

Aba Hebeli 12:28

Pakuti twapokela ubumwene bubo butanganeng'ena, po zagha tumupalizye u Chala nukumwiputa pakulanjizya umuchizi nubogha.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

2 Pitala 1:11

Polelo mukwiza pakupokeliwa akiza bo mukwinjila mu Bumwene ubwa bwila na bwila ubwa Mwene witu, sona nu Mupoki witu u Yesu Kilisitu.

Ubuvumbuli 1:6

Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.