Luka 12:19 - IBAYIBOLO 2024

¹⁹ Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Ulufingo Ulupya

¹⁹ Po inkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Luka 12:19 Iomraidhean Croise

Yobu 14:1

“Umuntu yuyo akupapiwa nu mukolo amasiku ghache manandi bulo, sona ghizuye nintamyo zyene.”

Masalimo 49:18

Napapo akiyennyanga mwene pakuba musayiwa bo mumi, sona nanti abantu bope bakukupala bo vikukwendela akiza,

Masalimo 62:10

Mutakavisubilaye ivyongo, pamo ukwituvikizya muvintu ivya bwiba. Napapo ubukabi bwinyu bwinji nkani, loli mutakabikayepo nkani umoyo.

Ivyili 10:2

Ubukabi ubwa buzimbuli butakumupela umuntu pakuba mukabi, loli ubwanaloli bukumupoka umuntu kubufwe.

Ivyili 14:24

Ubukabi ubwa muntu uwamahala yo mpumpu yache, loli umupunganu akumanyikwa nu bupunganu bwache.

Ivyili 18:11

Ubukabi ubwa muntu umukabi lyo linga lyache ilyamaka, sona buli ngati lupaso ulutali lulo lungamuvighilila.

Ivyili 23:5

Nanti wabwagha ubukabi, ukwennya ukuti bwabuka kale, pakuti naloli bukwiza pakumela ivipapande nukubulukila kumwanya ngati lyo lizwanga.

Ivyili 27:1

Utakituvyanje nizya ndabi, pakuti utachimenye chicho chikwiza indabi.

Umulumbilili 11:9

Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.

Umulumbilili 2:24

Ichintu ichiza nkani chicho umuntu angachibomba mubumi bwache ko kulya nukung'wela sona nukwilagha imbombo zyache. Nkwennya ukuti vyope vinivi vikufuma kwa Chala.

Yesaya 22:13

Loli ennya, kuli ulusekelo nu buhobosu, baghogha ing'ombe nukubola ing'ozi, ukulya inyama nukung'wela uvinyo! Nukunena ukuti, “Leka tulyanje nukung'wela uvinyo, pachifukwa ichakuti indabi tukwiza pakufwa!”

Yesaya 5:11

Chighune kubabo bakunyamuka pandabindabi nkani, bakuchimbilila kuchakung'wela, babo bakulinda kulakula mupaka pabusiku ukuti bakolwe nuvinyo.

Yesaya 5:8

Chighune ku amwe mwe mukonjelezyakonjelezya inyumba, sona mukonjelezyakonjelezya amaghunda, mupaka patakasyalepo ubuzilo nabumo, sona mukwikala mwebene muchisu.

Yesaya 56:12

Abaching'wela banaba bakuti, ‘Zagha, tung'wele uvinyo! Zagha tukolwe ubwalwa! Indabi yikwiza pakuba ngati ilya ilelo, lumo likwiza pakuchilapo panapa.’ ”

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Amosi 6:13

mwe bantu mwe mukuhoboka pachifukwa icha kumupota u Lo Debali mukuti, “Nkimba tutakakafyula akaya akakulu aka Kalinayimu na maka aghitu na ghitu?”

Habakuku 1:16

Polelo bakukubika ivyakwiyipa, nukuchifukizizya utwakunukila ichilepa chache. Pakuti akwilagha ubumi pachifukwa icha ichilepa chache, sona akwaghilamo ichakulya ichinonu nkani.

Luka 12:18

Po akanena mwene akati, ‘Ichi, cho chicho nkwiza pakubomba. Nkwiza pakumongolannya intamba zyane nukuzenga inkulupo, mumo nkwiza pakusungamo ivyakulya vyane nu katundu wane wesi uyunji.

Luka 16:19

“Kukabako umuntu yumo yuyo akavwalagha amenda agha pamwanya nukwikala mubumi ubwakwihobosya amasiku ghosi.

Luka 21:34

“Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

1 Aba Kolinti 15:32

Nanti nkalwanga na bantu muno mu Efeso babo bakaba ngati po vinyamana, pakukonka bulo inyinong'ono izya buntu, po nkimba nakabapo ichoni? Loli nanti abantu abafwe batakuzyuka kubufwe, po tubombaye bulo vivyo abantu bakunena ukuti, “Leka tulyanje nukung'wela uvinyo, pachifukwa ichakuti indabi tukwiza pakufwa.”

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

1 Timoti 5:6

Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

2 Timoti 3:4

Batakwiza pakuba basubiliwa, bakwiza pakuba bapopo, na bamituvyo, na bakughana ivyakwihobosya, mubuzilo ubwa kumughana u Chala,

Yakobo 5:5

Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.

1 Pitala 4:3

Pakuti kale mukatagha akabalilo kinyu pakubomba ivintu vivyo abantu abakuzi bakabombagha. Amwe mukabombagha ubwamalaya, ni vinyonywa nu bwaching'wela nu bupafu, sona nukwiputa ivifwani.

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

1 Samuweli 30:16

Bo afika nawe kulakula, akaghagha amavyondongo ghala ghasatite posi na posi bakulya nukung'wela, sona nukwimba, pachifukwa icha vintu ivyinji vivyo bakavifyula muchisu icha ba Filisiti nicha ba Yuda.