Luka 12:18 - IBAYIBOLO 2024

¹⁸ Po akanena mwene akati, ‘Ichi, cho chicho nkwiza pakubomba. Nkwiza pakumongolannya intamba zyane nukuzenga inkulupo, mumo nkwiza pakusungamo ivyakulya vyane nu katundu wane wesi uyunji.

Ulufingo Ulupya

¹⁸ Po akanena mwene akati, ‘Ichi, cho chicho inkwiza pakubomba. Inkwiza pakumongolannya intamba zyane nukuzenga inkulupo, mumo inkwiza pakusungamo imbeyu nu katundu wane wesi uyunji.

Luka 12:18 Iomraidhean Croise

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Matayi 6:26

Ennya, iviyuni vitakupesa imbeyu, pamo ukwinula, pamo ukubika ivyakulya muntamba, loli Ughuso uwakumwanya akuvilyesya. Nkimba mute mwe bapamwanya nkani ukuchila iviyuni?

Luka 12:17

Po akanda pakwinong'ona mwene akati, ‘Inte nu buzilo nabumo ubwakusungilapo ivyakulya vyane vyosi. Nkimba ningabomba choni?’

Luka 12:19

Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Luka 12:21

Pabumalilo u Yesu akati, “Momumo zibeleye na bantu babo bakwilundikila bene ivyuma, loli bate bakabi pamaso pa Chala.”

Luka 12:24

Ennya, abachigobe batakupesa imbeyu pamo ukwinula, sona bate ni nyumba, pamo intamba izya kusungilamo ivyakulya, loli u Chala akubalyesya! Amwe mwe bapamwanya nkani ukuchila iviyuni!

Luka 18:4

Akabalilo akatali umulongi yula akakanagha pakulonga inongwa yila, loli pisinda pache akanena mumoyo wache akati, ‘Napapo intakumunyila u Chala, pamo ukubachindika abantu,

Luka 18:6

Po u Mwene akati, “Teghelezya vivyo umulongi uwamabeko uyu akanena.

Yakobo 3:15

Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.

Yakobo 4:13

Losi ulu ivwa kuno, mwe mukunena ukuti, “Ilelo pamo indabi tukwiza pakubuka mukaya kamo akakulu nkani, kuko tukwiza pakwikala umwaka ghoka. Tukwiza pakughula nukughulizya, po tukwiza pakuzyagha indalama inyinji nkani.”

Yakobo 4:15

Munenaye bulo mutinji, “Nanti u Mwene umwenecho angitikizya, tukwiza pakwikala nubumi, sona tukwiza pakubomba ichi pamo chila.”