Luka 12:15 - IBAYIBOLO 2024

¹⁵ Po akendelela pakubabuzya abantu bosi akati, “Muchebaye, sona mutakabanje nu bupafu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Ulufingo Ulupya

¹⁵ Po akendelela pakubabuzya abantu bosi akati, “Muchebaye, sona mutakabanje nu bupavu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Luka 12:15 Iomraidhean Croise

1 Abamwene 2:40

U Shimeyi akanyamuka, akabika ichakwikalapo pampunda yache nukubuka ku Gati pakubalonda abazya bache. Po akabagha nukunyokela nabo kukaya kache.

Yobu 2:4

U Satana akamwamula u Mwene akati, “Loli ughuyele umubili wache! Po umuntu angitika pakutagha vyosi vivyo ali navyo ukuti abanje nubumi.

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 37:16

Utunandi tuto umugholosu ali nato, tukubuchila ubukabi bubo umuntu umubibi ali nabo.

Masalimo 62:10

Mutakavisubilaye ivyongo, pamo ukwituvikizya muvintu ivya bwiba. Napapo ubukabi bwinyu bwinji nkani, loli mutakabikayepo nkani umoyo.

Ivyili 15:16

Chizapo pakuba mupina nukumuchindika u Mwene ukuchila pakuba we mukabi nukuba mumayimba.

Ivyili 16:16

Chizapo pakuba na mahala ukuchila pakuba nu golide, sona chizapo pakuba muntu uwakwivwisya ivintu ukuchila pakuba nu siliva.

Ivyili 28:16

Umulaghili yuyo akubayivya abantu babo bate na mahala, loli aghabengite amabeko akubanga nubumi ubutali.

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Mika 2:2

Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Habakuku 2:9

“Aghuniwanje umuntu yuyo akuzenga akaya kache pakubombezya izila inyonganu, nukuzenga ivivumbo vyache pamwanya, umwakuti ubupalapala butakamwaghe.

Maliko 7:22

nu bulowe nu bupafu nukwinong'onelana ivibibi nu bumyasi, na madinko, ni chinyonywa, ni yebo, na mituvyo nu bupunganu.

Luka 12:16

Po u Yesu akababuzya ichili akati, “Kukabako umuntu yumo umukabi, yuyo akaba nu mughunda ghugho ghukelagha ivyakulya ivyiza.

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Luka 21:34

“Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

Luka 8:14

Imbeyu zizyo zikawila pakasi pamivwa zikwimilila abantu babo bakwivwa amazyu agha Chala. Loli ukwikolezannya nivya muchisu ichapasi pano, ukuchighana ichuma, sona ni vinyonywa vyosi ivyakulekanalekana vikwinjila nukufyululusya amazyu ghala, po ivikomwa vyabo vitakutona nalumo.

1 Aba Kolinti 6:10

pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

2 Timoti 3:2

Abantu bakwiza pakuba bakwiyighana bene, na baghana ndalama, na bakwitutumula, na bamituvyo, na bantuko, na basita kwivwila abapapi babo, na basita kupalizya, sona na basita ukumwiputa u Chala.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

Yoshwa 7:21

Pavintu vivyo tukavifyula nkennya inkazo inyiza nkani iya ku Babiloni poka ni salabazya izya siliva 200, sona nu golide umung'wamu amakilogalamu 500. Nkavinyonywa nkani ivintu vinivi, umwakuti nkasendapo vimo nukuvikumbila pasi muchisakasa chane, sona pasi papo pali usiliva.”

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.