Luka 11:9 - IBAYIBOLO 2024

⁹ “Po nkubabuzya ukuti, Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

Ulufingo Ulupya

⁹ “Po inkubabuzya ukuti, Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

Luka 11:9 Iomraidhean Croise

Masalimo 118:5

Bo indi muntamyo, nkamulilila u Mwene, po akanyefyezya intamyo zyane zyosi.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 27:8

Wee Mwene ukambuzya ukati, “Londelezya icheni chane!” Po icheni chako cho chicho nkuchilonda.

Masalimo 34:10

Na bana aba nkalamu bope bakusobelwa ichakulya, loli babo bakumulondelezya u Mwene batakusobelwapo ivintu ivyiza.

Masalimo 34:4

Nkiputa kwa Mwene, po akanyamula, akampoka ku vyosi vivyo nkavinyilagha.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Inyimbo izya Solomoni 5:6

Nkamwighulila umughaniwa wane, loli nkagha ukuti epitepo kale. Nkatamiwa nkani mumoyo wane, pachifukwa ichakuti akabuka. Nkamulondelezya, loli intakamwagha, nkamwitizya, loli atakanyamula.

Yesaya 45:19

Intakanenela kubusyefu, pamo pabuzilo bumo muchisu icha chisi. Intakababuzya abaluko ulwa Yakobo ukuti, “Mundondaye po pate imbombo nayimoyimo.” Ane ne Mwene, nkunena ubwanaloli, nukuzifumusya zizyo ngolosu.

Yelemiya 29:12

Po mukwiza pakunyitizya nukundaba, ane nkwiza pakubateghelezya.

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Matayi 21:22

Nanti mukusubila, mukwiza pakupokela chosi chicho mukulaba munyiputo.”

Matayi 21:31

Pa bana babili aba, nkimba wewenu akabomba chicho uwise akalondagha?” Bakamula bakati, “Usongo yula.” Po u Yesu akababuzya akati, “Naloli nkubabuzya ukuti abasonkezya sonko na bamalaya bakubachila pakwinjila mu Bumwene ubwa Chala.

Matayi 6:29

Loli nkubabuzya ukuti u Mwene u Solomoni nu bukabi bwache bosi, atakaba na menda amiza ghagho ghayanite bulo nubwezya limo ilya agha.

Maliko 11:24

Pachifukwa ichi nkubabuzya ukuti bo mukwiputa nukulaba chimo kwa Chala, subila ukuti mwachipokela, po mukwiza pakupokela chosi chicho mwalaba.

Maliko 13:37

Zizyo nkubabuzya amwe, nkunena sona namwe mwebosi ukuti, ‘Mubanje maso!’ ”

Luka 11:10

Pakuti umuntu wesi yuyo akulaba akwiza pakupokela, sona umuntu wesi yuyo akulonda akwiza pakuvyagha, sona umuntu wesi yuyo akukong'osya, ulwiyi lukwiza pakumwighukila.

Yohani 14:13

Chosi chicho mukulabila mwitabwa lyane cho chicho nkwiza pakuchibomba, umwakuti Utata achindikiwanje ukwendela mu Mwana.

Yohani 15:16

Mute mwemwe mukansala awe, loli nene nkabasala amwe. Po nkabasala nukubimika ukuti mubuke nukupa ivikomwa ivyinji, ivikomwa vivyo vikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Yohani 15:7

Nanti amwe mukwikala mumwane, ghope amazyu ghane ghakwikala mumwinyu, mukwiza pakulaba chosi chicho mukulonda, po mukwiza pakuchipokela.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

2 Aba Kolinti 6:2

U Chala akuti, “Pakabalilo kane akakubapokela, nkabivwa. Sona pisiku ilya bupoki nkwiza pakubavwa.” Teghelezya! Aka ko kabalilo akakupokelela ichisa icha Chala. Ilelo lisiku lya bupoki.

Aba Hebeli 11:6

Sona ukusita pakuba nu lwitiko, chipala nkani pakumuhobosya u Chala, pakuti umuntu wesi yuyo akwiza kukwache asubilaye ukuti u Chala aliko, sona nukuti akubapa umuvwalo abantu babo bakumulondelezya.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 5:15

Nanti bakwiputa nu lwitiko, ulwiputo lulalula lukwiza pakumupozya umuntu umubine. U Mwene akwiza pakumunyamusya. Po nanti akananga, imbibi zyache zikwiza pakuhobokeliwa.

1 Yohani 3:22

Polelo tukupokela chosi chicho tukumulaba pachifukwa ichakuti tukukonka amalamulo ghache nukubomba vivyo vikumuhobosya.

Ubuvumbuli 2:24

“Loli amwe mwe bantu abanji aba muchipanga icha mu Tiyatila mutakonkite ichimanyisyo ichibibi ichi. Mutamanyiyeko zizyo abene bakuti izyakubusyefu izya Satana. Nkubabuzya ukuti ntakwiza pakonjelezya ukatundu uyunji papinyu.