Luka 11:42 - IBAYIBOLO 2024

⁴² “Chighune nkani kukwinyu, amwe mwe ba Falisayi pakuti mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale, sona nu kanyezi. Loli mukukana pakubomba ubwanaloli nukumughana u Chala. Ivi vyo vintu vivyo mubaghiye mubombaye ukusita ukulekapo vimo.

Ulufingo Ulupya

⁴² “Chighune nkani kukwinyu, amwe mwe ba Falisayi pakuti mukubika kwa Chala ichigaba choka pa vigaba 10 ivya vilungo vyinyu ngati zyo mpilipili, nu kale, sona nu muzimwa, loli mukukana ukwivwila ichimanyisyo ichapamwanya nkani icha Ndaghilo, ngati bo bwanaloli, ni chisa, sona nu busubiliwa. Ivi vyo vintu vivyo mubaghiye mubombaye ukusita ukulekapo vimo.

Luka 11:42 Iomraidhean Croise

Nehemiya 10:37

“Ukonjelezyapo, tukwiza pakusangula ivyakwiyipa ivyakwanda pakutona ivya malezi, ni vyakwiyipa ivya busu nivya seke zyitu nu vinyo umupya sona na mafuta ghitu agha misyunguti nukwiza navyo kunyumba izyakusungilamo ivintu mu Nyumba iya Chala witu sona na ku baputi. Aswe tukwiza pakubapa aba Levi ichigaba choka pavigaba teni, pakuti aba Levi bo babo bakusonkezyanga ichigaba choka pavigaba teni mutwaya twitu tosi utukulu.

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Umulumbilili 7:18

Chizapo pakulemezya ichintu choka, nukuchilekelezya ichinji. Umuntu yuyo akumuchindika u Chala akwiza pakuba navyo vyosi vibili vinivi.

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 2:17

Mwamulitizya nkani u Mwene na kanenele kinyu. Mukulalusya mukuti, “Nkimba twamulitizya bulibuli?” Pakunena ukuti, “Umuntu wesi yuyo akubomba imbibi kokuti mwiza pamaso pa Mwene, sona akuhoboka nabo.” Pamo pakulalusya ukuti, “Nkimba ali ko kwiyi u Chala yuyo akubombela mubwanaloli?”

Malaki 3:8

“Nkimba umuntu angamwibila u Chala? Loli pope bulo mukunyibila. “Mukulalusya mukuti, ‘Nkimba tukukwibila bulibuli?’ “Mukunyibila ichigaba choka pavigaba teni ni ivyakwiyipa.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Matayi 23:23

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale nu kanyezi, loli mukukana ukwivwila ichimanyisyo ichapamwanya nkani icha Ndaghilo, pakuba bwanaloli, ni chisa nu busubiliwa. Ivi vyo vintu vivyo mubombaye ukusita pakuvilekapo vimo.

Matayi 23:27

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Pakuti muyanite bulo na mapumpa ghagho ghapakaziwe ni banya ghagho ghakuboneka akiza kuzi, loli mukasi mwizuye na mafupa ni vintu ivibozu ivinji.

Luka 18:12

Ane nkutuzya pakulya amasiku mabili mwasabata weka, sona nkubika ichigaba choka pa vigaba 10 ivya vyosi vivyo nkupokela.’

Yohani 5:42

Loli imbamenye namumo mubeleye, sona inzimenye ukuti mutamughanite u Chala mumoyo ghinyu.

1 Yohani 4:20

Nanti umuntu yumo akuti, “Imughanite u Chala”, loli amubengite umukamu wache, kokuti mumyasi. Umuntu wesi yuyo atakumughana umukamu wache yuyo akumwennya na maso, kokuti atangamughana u Chala, yuyo atamwenizyepo nalumo.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.