Luka 11:41 - IBAYIBOLO 2024

⁴¹ Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Ulufingo Ulupya

⁴¹ Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Luka 11:41 Iomraidhean Croise

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 41:1

Musayiwa umuntu yuyo akubapasikizya abapina, po u Mwene akumupokagha pakabalilo akantamyo.

Ivyili 14:31

Umuntu yuyo akubayivya abapina, kokuti akumusamula Umupeli wache. Loli yuyo akubapelela ichisa abapotwe, kokuti akumuchindika u Chala.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 19:17

Umuntu yuyo akumupelela ichisa umupina akumwazimya u Mwene sona akwiza pakumupa umuvwalo ukuyana ni mbombo zyache inyiza.

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Matayi 26:11

Akabalilo kosi muli nabo abapina, loli mute mubanje nane akabalilo kosi.

Matayi 5:42

Nanti umuntu akukulaba ichintu chimo, umupe, sona nanti yumo akulonda pakwazimya ichintu chimo, umwazime.

Maliko 7:19

pakuti chitakwinjila mumoyo wache, loli mulwanda nukufuma kuzi.” (Pakunena zinizi u Yesu akang'anamula ukuti ivyakulya vyosi vyiza bulo pakulya.)

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

Luka 16:9

Po u Yesu akendelela pakunena ukuti, “Nkubabuzya ukuti mwiyaghile mwebene abamanyani pakubombezya ivintu ivya muchisu ichapasi, umwakuti bo chamala, mukwiza pakupokeliwa munyumba iya bwila na bwila.

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 19:8

U Zakeyu akimilila nukumubuzya u Mwene ukuti, “Ivwa kuno, Mwene! Nkwiza pakubapa pakasi na pakasi ivyuma vyane abantu abapina, sona nanti imuzimbuyepo umuntu yumo nkwiza pakumunyosezya ka folo ukuchilapo.”

Imbombo 10:15

Izyu lila likivwika sona likati, “Chicho u Chala achipaghula ukuti chizelu, utakinong'onaye ukuti chinyazu.”

Imbombo 11:29

Abamanyili bakivwana ukuti umuntu wesi abatumile abitiki abamwabo ubwavwilizi bosi bubo angaba nabo, babo bakikalagha muchigaba icha Yudeya.

Imbombo 24:17

“Bo nikala akabalilo akatali kuzi ukwa Yelusalemu, nkanyokela kulakula ukuti imbuke imbape ivyabupi abantu bane, sona nukuti imbike ivyakwiyipa.

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.

Aba Efeso 4:28

Umuntu yuyo akibagha, atakibaye sona, loli abombaye ni nyobe zyache ichintu chicho chiza, umwakuti angaba navyo vimo ukuti angagabana na babo bakusobelwa.

Titi 1:15

Abantu babo bazelu, ivintu vyosi vinivi vizelu, loli abantu babo inyinong'ono zyabo zinyonganite, sona babo batakusubila nachimochimo chicho chizelu. Ubwanaloli bwakuti, inyinong'ono zyabo nu mabyebye wabo vinyonganite.

Aba Hebeli 13:16

Mutakaluvyanje pakubombela ubwiza nukugabana vivyo muli navyo, pakuti ivi vyo vyakwiyipa vyitu vivyo vikumuhobosya u Chala.

Aba Hebeli 6:10

U Chala mugholosu, sona atakwiza pakuluvya imbombo zyinyu nu lughano lulo mwamulanjizya bo mukubavwa abantu bache, sona mwendelela pakubavwa.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.