Luka 11:36 - IBAYIBOLO 2024

³⁶ Nanti umubili wako ghosi wizuye nulukozyo ukusita pakuba ni chigaba chimo muchisi, ghukwiza pakuba buzelu bwene posi na posi ukuyana namumo inyale yikulamila papinyu nu buzelu bwache.”

Ulufingo Ulupya

³⁶ Nanti umubili wako ghosi wizuye nu lukozyo ukusita pakuba ni chigaba chimo muchisi, ghukwiza pakuba buzelu bwene posi na posi ukuyana na mumo inyale yikulamila papinyu nu buzelu bwache.”

Luka 11:36 Iomraidhean Croise

Ivyili 1:5

Nanti umuntu uwamahala aghivwa, onjelezyepo ubumanyi bwache, sona abantu abakwivwisya baghaghilepo amahala.

Ivyili 20:27

Umuzimu uwa muntu yo nyale iya Mwene yiyo yikuvumbula vyosi ivya mukasi.

Ivyili 6:23

Pakuti amalamulo ghanagha ghali ngati yo nyale, sona ichimanyisyo ichi chili ngati lo lukozyo. Amafundwe ghanagha ghali ngati yo zila iya bumi.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Matayi 13:52

Po akabamula akati, “Ichi chikung'anamula ukuti umumanyisi wesi uwa Ndaghilo yuyo akuba mumanyili mu Bumwene ubwa Kumwanya ayanite bulo nu mwenecho uwa nyumba, yuyo akuvyefyamo ivintu ivipya ni ivyakale muchipinda chache ichakusungilamo ivintu.”

Matayi 5:15

Nayumo umuntu yuyo akukozya inyale nukuyikupikila ni sonta. Loli akuyibika pabuzelu, umwakuti yibalamilaye abantu bosi munyumba mula.

Luka 11:35

Polelo muchebaye ukuti ulukozyo lulo luli mumwinyu lutakipelaye pakuba chisi.

Luka 11:37

Bo u Yesu amala pakunena, umu Falisayi yumo akamwitizya pakulya kunyumba, po akinjila nukwikala pasi nukwanda pakulya.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

Aba Kolosi 3:16

Amazyu agha Kilisitu ghikalaye mumoyo ghinyu umwakufikapo. Mumanyizannyanje nukusokana na mahala ghosi. Mumwimbilaye u Chala na mapalo mumoyo ghinyu, bo mukwimba inyimbo izya masalimo, ni nyimbo izya kumupala, sona ni nyimbo izya buzimu.

Aba Hebeli 5:14

Loli ichakulya ichikafu cho cha bantu abasongo, babo ukwendela mukumanyila bamenye ukulesannya pakasi pachintu chicho chiza ni chintu chicho chibibi.

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.