Luka 11:31 - IBAYIBOLO 2024

³¹ Pisiku lilyo u Chala akwiza pakubalonga abantu abankulilo iyi, u mwene umukolo uwa muchisu icha Sheba akwiza pakuzyuka kubufwe nukubasusya amwe, pakuti akenda ukufuma muchisu icha kukwabo pakwivwa ubumanyisi ubwa mahala ubwa Mwene u Solomoni. Ilelo nkubabuzya ukuti pano pali ichintu chimo ichikulu ukuchila u Solomoni.

Ulufingo Ulupya

³¹ Pisiku lilyo u Chala akwiza pakubalonga abantu abankulilo iyi, u mwene umukolo uwa muchisu icha Sheba akwiza pakuzyuka kubufwe nukubasusya amwe, pakuti akenda ukufuma muchisu icha kukwabo pakwivwa ubumanyisi ubwa mahala ubwa Mwene u Solomoni. Ilelo inkubabuzya ukuti pano pali ichintu chimo ichikulu ukuchila u Solomoni.

Luka 11:31 Iomraidhean Croise

2 Imbili 9:1

Bo u mwene umukolo uwamu Sheba ivwa nizya bumanyikwe ubwa Solomoni, akabuka ku Yelusalemu pakumuyela na malalusyo amakafu nkani. Akafika ni chilundilo ichikulu nkani icha bantu, bo ingamila zinyamuye utwakunonezya ivyakulya nu golide umwinji nkani sona nu tumabwe utwamutengo. Bo akomana nu Solomoni, akanenezannya nawe zyosi zizyo akaba nazyo mumoyo wache.

Yesaya 54:17

Chitakwiza pakubapo ichilwilo ichakubavulazya, ukwiza pakubapota bosi babo bakususannya nawe. Chinichi mpyana iya babombi aba Mwene, sona nkwiza pakubapa ubupoti.” Momumo u Mwene akunenela.

Yelemiya 3:11

U Mwene akambuzya akati, “Umu Izilayeli umusita kusubiliwa mugholosu nkani ukumuchila u Yuda umusita kusubiliwa.”

Matayi 12:42

Pisiku lilyo u Chala akwiza pakubalonga abantu abankulilo iyi, u mwene umukolo uwamu Sheba akwiza pakuzyuka kubufwe nukubasusya amwe pakuti akenda ukufuma muchisu icha kukwabo pakwivwa ubumanyisi ubwa mahala ubwa Mwene u Solomoni. Ilelo nkubabuzya ukuti pano pali ichintu chimo ichikulu ukuchila u Solomoni.

Luka 3:22

sona u Muzimu Umuzelu akamwikila ngati yo nkunda. Po izyu likivwika kumwanya likati, “Awe we Mwana wane umughaniwa. Ihobokite nkani nawe.”

Luka 9:35

Izyu likivwika mwibingu ukuti, “Uyu Mwana wane yuyo namusala. Mumwivwilaye!”

Aba Loma 2:27

Po umuntu yuyo atasilimuliwe, yuyo akukonka Indaghilo akwiza pakukulonga awe we muntu umusilimuliwe, sona awe we uli ni Ndaghilo zizyo zisimbiwe, naloli ukunangannya Indaghilo.

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.