Luka 11:24 - IBAYIBOLO 2024

²⁴ “Bo umuzimu umubibi ghukwepamo mumuntu, ghukwendakwenda muchisu ichumizu pakulonda ubuzilo ubwakutuzyapo. Nanti ghutakubwagha bumo, ghukunena ukuti, ‘Nkunyokela sona kunyumba yane.’

Ulufingo Ulupya

²⁴ “Bo umuzimu umubibi ghukwepamo mu muntu, ghukwenda-kwenda muchisu ichumizu pakulonda ubuzilo ubwakutuzyapo. Nanti ghutakubwagha bumo, ghukunena ukuti, ‘Inkunyokela sona kunyumba yane.’

Luka 11:24 Iomraidhean Croise

Yobu 1:7

Po u Mwene akamulalusya u Satana akati, “Nkimba wafuma kwiyi?” U Satana akamwamula u Mwene akati, “Name pakwendakwenda bulo muchisu chosi ichapasi.”

Yobu 2:2

Po u Mwene akamulalusya u Satana akati, “Nkimba wafuma kwiyi?” U Satana akamwamula u Mwene akati, “Name pakwendakwenda bulo muchisu chosi ichapasi.”

Masalimo 63:1

Wee Chala, awe we Chala wane, sona nkukulondelezya nu moyo wane ghosi. Umoyo wane ghuli ni nyota nawe, sona umubili wane ghope ghukukusamba. Nkukusamba nkani ngati chisu ichumizu, sona ngati nkolongo yiyo yite na mizi.

Ivyili 4:16

Batangaghona utulo nanti batabombitepo chimo ichibibi; sona batakughona utulo mupaka bamupunuzye umuntu yumo.

Yesaya 35:7

Umusesenga uwa kocha ghukwiza pakuba chiziba, po ichisu ichumizu chikwiza pakuba ni mbwibwi. Mubuzilo ubwa bakambwe, mukwiza pakumela isote ni ntete.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 48:22

U Mwene akuti, “Umuntu umubibi ate nu mutende.”

Maliko 5:10

Po akamulaba u Yesu umwakulambilizya nkani ukuti atakefyemo imizimu imibibi muchigaba chila.

Maliko 9:25

Bo u Yesu ennya ukuti ichilundilo chanda pakupalamila kukwabo, akaghulamula umuzimu umubibi akati, “We muzimu uwamapuli nuwachinunu, nkukulamula epamo mu mulumendo uyu, utakinjile sona!”

Luka 11:25

Po ghukunyokela nukuyagha inyumba yila yite nako kamo mukasi, sona yiswepite nukuyaniziwa akiza.

Aba Efeso 2:2

Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.