Luka 11:2 - IBAYIBOLO 2024

² U Yesu akababuzya akati, “Bo mukwiputa mutinji, ‘Tata, itabwa lyako lichindikiwanje, Ubumwene bwako bwizaghe,

Ulufingo Ulupya

² U Yesu akababuzya akati, “Bo mukwiputa mutinji, ‘Tata, itabwa lyako lichindikiwanje, Ubumwene bwako bwizaghe,

Luka 11:2 Iomraidhean Croise

1 Abamwene 8:43

ivwa uko kumwanya kuko ukwikala nukuvibomba vivyo umuyeni yula akukulaba, umwakuti abantu bosi aba pachisu ichapasi bangakumanya nukukwivwila, ukuyana namumo abantu bako aba Izilayeli bakubombela. Bunubu bakwiza pakumanya ukuti Inyumba yiyo nayizenga momumo ukwiza pakuchindikiliwangamo.

2 Abamwene 19:19

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

2 Imbili 20:6

nukuti, “Wee Mwene u Chala uwa banyenya bitu, nkimba awe te we Chala yuyo akwikala kumwanya? Awe wewe ukulaghila inko zyosi izya muchisu ichapasi. Amaka nu bulaghili vili munyobe zyako sona atalipo nayumoyumo yuyo angalwana nawe.

Masalimo 103:20

Mwee bantumi bache, mupalaye u Mwene, kokuti mwe bamaka mwe mukuzikonka indaghilo zyache mupalaye u Mwene.

Masalimo 108:5

Wee Chala, lanjizya ubukulu bwako mumwanya nkani, sona ubuchindamu bwako bwizulaye pachisu chosi icha ichapasi.

Masalimo 11:4

U Mwene ali munyumba yache izelu, sona ikaye pachitengo chache kumwanya. Amaso ghache ghakubennya abantu bosi, sona akubapima bosi.

Masalimo 57:11

Wee Chala, lanjizya ubukulu bwako ukuchila mumwanya nkani, sona ubuchindamu bwako bwizulaye pachisu chosi icha ichapasi.

Umulumbilili 5:2

Utakachimbililaye pakunena, utakafingaye mwalwemwalwe pamaso pa Chala. U Chala ali kumwanya, awe uli pachisu ichapasi, po utakanenaye amazyu aminji.

Yesaya 63:16

Loli awe we Tata witu, napapo u Abulahamu atakatumanya, pamo aba Izilayeli pakutwitika, Wee Mwene we Tata witu, we mutabuli witu ukwanda bulo kale lyo litabwa lyako.

Ezekiyeli 36:23

Nkwiza pakulanjizya ubuzelu ubwa litabwa lyane ikulu nkani, lilyo likanyaziwa pakasi pa inko, litabwa lilyo mwalinyazya pakasi papabo. Po inko zikwiza pakumanya ukuti ane ne Mwene nanena. Ane ne Mwene Uwamaka Ghosi, nkwilanjizya ubuzelu bwane ukwendela mumwako pamaso papabo.

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Aba Levi 10:3

U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Aba Levi 22:23

Mungabika inkambaku pamo ing'ozi yiyo ichinama choka chitali pamo chipimpa ukuti chibanje chakwiyipa icha bwighane, loli chitangapokeleliwa ukuti chibanje ichakukwanilisya ichilapo.

Habakuku 2:14

Pakuti ichisu chikwiza pakwizula nu bumanyi ubwa buchindamu ubwa Mwene ngati mumo amizi ghizuliye munyanja.

Matayi 10:32

“Umuntu wesi yuyo akunyitika pamaso pabantu, nane bulo nkwiza pakumwitika pamaso pa Tata wane uwakumwanya.

Matayi 3:2

Akati, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

Luka 11:1

Isiku limo u Yesu akiputagha pabuzilo bumo. Bo amala, umumanyili yumo akamubuzya akati, “Mwene, utumanyisye pakwiputa ukuyana namumo u Yohani akamanyizizya abamanyili bache.”

Aba Loma 1:7

Nkubasimbila abantu bosi babo bali mu Loma, babo u Chala abaghanite nukubitizya ukuti babanje bantu bache abazelu. Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

1 Aba Kolinti 1:3

Ichisa nu mutende ivyakufuma kwa Chala Utata witu, sona na kwa Mwene u Yesu Kilisitu vibanje namwe.

2 Aba Kolinti 1:2

Ichisa nu mutende ivyakufuma kwa Chala Utata witu, sona na kwa Mwene u Yesu Kilisitu vibanje namwe.

Aba Galatiya 1:4

U Kilisitu akiyipa mwene pachifukwa icha mbibi zyitu ukuti atupoke ku nkulilo iya mbibi iyi, ukuyana nu bwighane ubwa Chala witu, sona yuyo we Tata.

Aba Efeso 1:2

Ichisa nu mutende ivyakufuma kwa Chala u Tata witu, sona nu Mwene u Kilisitu u Yesu vibanje namwe.

Aba Filipi 1:2

Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

Aba Filipi 4:20

Ubuchindamu bubanje kwa Chala u Tata bwila na bwila! Ameni.

Aba Kolosi 1:2

Tukubasimbila amwe mwe bakamu bitu abazelu, sona mwe basubiliwa mwa Kilisitu, amwe mwe mukwikala mu Kolosi. Ichisa nu mutende ivyakufuma kwa Chala u Tata witu vibanje namwe.

1 Aba Tesalonika 1:1

Ane ne Pabuli, poka nu Silivana, sona nu Timoti. Tukuchisimbila ichipanga icha mu Tesalonika, chicho icha Chala u Tata, sona nu Mwene u Yesu Kilisitu. Ichisa nu mutende vibanje namwe.

1 Aba Tesalonika 1:3

Pakuti bwila bulo tukukumbuka pamaso pa Chala nu Tata witu, nizya lwitiko lwinyu, mumo mukiyulila ukulanjizya ulughano lwinyu, sona namumo ulusubilo lwinyu lwimiye nkani mwa Mwene witu u Yesu Kilisitu.

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.