Luka 11:13 - IBAYIBOLO 2024

¹³ Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Ulufingo Ulupya

¹³ Nanti mwe bantu mwe babibi mumenye pakubapa ivintu ivyiza abana binyu, zili buli-buli nu Ghuso uwa kumwanya? Nkimba angapotwa pakubapa u Muzimu Umuzelu abantu babo bakumulaba?”

Luka 11:13 Iomraidhean Croise

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Masalimo 51:5

Naloli nkapapiliwa mumbibi, nkaba ne mubibi ukwandila papo umayi wane akamela ulwanda.

Ivyili 1:23

Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Yesaya 49:15

Nkimba u umukolo angamuluvya umwana wache yuyo akumonkezya, nukuleka pakuba ni chililizi nu mwana yuyo amupapite? Napapo angamuluvya, ane intangabaluvya, awe!

Ezekiyeli 36:27

Nkwiza pakubika Umuzimu wane mumwinyu nukubapela ukuti mwivwilaye indaghilo zyane sona mubanje maso pakughasungilila amalamulo ghane.

Yoweli 2:28

“Pisinda pache nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

Matayi 5:45

ukuti mubanje mwe bana aba Tata winyu uwakumwanya. Pakuti akulamizya izuba pabantu abiza na babibi bulo nukutuma ivula pa bagholosu na babo bate bagholosu.

Matayi 6:14

“Nanti mukubahobokela abantu abanji zizyo babanangila, Ughuso uwakumwanya akwiza pakubahobokela imbibi zyinyu.

Matayi 6:30

Nanti u Chala angaghavwika amasote, ghagho ghaliko ilelo nukughasumbila pamoto indabi, nkimba atangabavwika amwe. Mwe bantu aba lwitiko ulunandi amwe?

Matayi 6:32

Pakuti abantu abakuzi bo babo bakuvilonda ivintu vinivi. Ughuso uwakumwanya avimenye ivintu vyosi vivyo mukuvilonda.

Matayi 7:11

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa ivintu ivyiza babo bakumulaba?”

Luka 11:12

Pamo akumulaba ifumbi, akumupa unkonya?

Luka 11:2

U Yesu akababuzya akati, “Bo mukwiputa mutinji, ‘Tata, itabwa lyako lichindikiwanje, Ubumwene bwako bwizaghe,

Luka 18:7

Nkimba u Chala atakwiza pakubalongela akiza abantu bache, babo bakumulilila umusanya nu busiku? Nkimba akwiza pakuzyelazyela pakubavwa?

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Imbombo 2:38

U Pitala akababuzya akati, “Mwebosi mupinduke nukuzileka imbibi zyinyu nukoziwa mwitabwa ilya Yesu Kilisitu. Po u Chala akwiza pakubahobokela imbibi zyinyu, nukupokela ichabupi icha Muzimu Umuzelu.

Aba Loma 5:17

Momumo ukuti pachifukwa icha kunanga muntu weka ubufwe bukanda pakuba nu bulaghili pachifukwa icha muntu weka yula. Loli umuntu weka, u Yesu Kilisitu akabomba ivintu ivikulu nkani, umwakuti abantu bosi babo bakapokela ichisa icha Chala nukuneniwa ukuti twe bagholosu pamaso papache, bakwiza pakuba nubumi, sona nu bulaghili ukwendela mwa Kilisitu.

Aba Loma 7:18

Inzimenye ukuti nachimochimo ichiza chicho chili mumwane, kokuti ubuntu bwane ubwa mbibi. Napapo nkulonda pakubomba ichiza, loli nkupotwa pakuchibomba.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.