Luka 10:42 - IBAYIBOLO 2024

⁴² loli ichintu choka chikulondiwa. U Maliya asala ichintu ichiza, sona chitakwiza pakufyuliwapo nalumolumo kukwache.”

Ulufingo Ulupya

⁴² loli ichintu choka chikulondiwa. U Maliya asala ichintu ichiza, sona chitakwiza pakufyuliwapo nalumolumo kukwache.”

Luka 10:42 Iomraidhean Croise

Masalimo 119:111

Amalamulo ghako mpyana yane iya bwila na bwila, pakuti ghakughuhobosya umoyo wane.

Masalimo 119:173

Inyobe yako yiyannye pakunyavwa, pakuti nasala indaghilo zyako.

Masalimo 119:30

Nasala izila iya bwanaloli. Sona nabika umoyo wane pandaghilo zyako.

Masalimo 142:5

Wee Mwene, nkulilila kukwako nkuti, “Awe we buzilo bwane ubwakuvwamilamo sona we mpyana yane muchisu icha bantu abumi.”

Masalimo 17:15

Loli ane nkwiza pakuchennya icheni chako, pakuti inte ninongwa nayimoyimo. Bo nalamusya nkwiza pakuhoboka nkani pakuti nkwiza pakwenannya nawe.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 73:25

Nkimba indi nu wenu uko kumwanya, loli wewe wemwene? Patalipo nachimochimo pachisu ichapasi chicho nkulonda, loli awe wemwene.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Maliko 8:36

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe!

Luka 10:39

Akaba nu muzuna u Maliya, yuyo akikala pasi papipi nu Mwene nukuteghelezya ivimanyisyo vyache.

Luka 11:1

Isiku limo u Yesu akiputagha pabuzilo bumo. Bo amala, umumanyili yumo akamubuzya akati, “Mwene, utumanyisye pakwiputa ukuyana namumo u Yohani akamanyizizya abamanyili bache.”

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

Luka 16:2

Po akamwitizya nukumulalusya ukuti, ‘Nkimba choni chicho nkwivwa nizya awe? Zagha nu kalata uwakulingannya namumo wabombela, pachifukwa ichakuti utangaba we kapitawa sona.’

Luka 16:25

Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 8:18

“Polelo muchebaye na zizyo mukwivwa. Umuntu wesi yuyo ali nako kale kamo, akwiza pakumonjelezyapo ivyinji ukuchila. Loli umuntu wesi yuyo ate nako kamo akwiza pakufyuliwa na kanandi bulo kako ali nako kale, napapo akwinong'ona ukuti ali nako kamo.”

Yohani 11:1

Pakabapo umuntu yumo yuyo akaba we Lazalo, uwa mukaya aka Betaniya, yuyo akaba mubine. Betaniya kakaba kaya kako u Maliya nu muzuna wache u Malita bakikalaghamo.

Yohani 11:19

po aba Yuda abinji bakiza pakumulema inyobe u Malita nu Maliya pachifukwa icha bufwe ubwa muyemba wabo.

Yohani 12:3

Po u Maliya akasenda ibotolo ilya mafuta aghakununkila nkani agha nalidi umwenecho. Akabombezya pakasi na pakasi agha mafuta ghala nukukupulila munyayo izya Yesu, akazipuputa ni sisi zyache. Munyumba mosi mukizula nu munusi umwiza nkani.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Yohani 5:24

“Naloli nkubabuzya ukuti bosi babo bakwivwa amazyu ghane nukumusubila yuyo akantuma, bali nubumi ubwa bwila na bwila. Batakwiza pakulongiwa, loli balobokako kubufwe nukwinjila mubumi.

Yohani 6:27

Mutakabombaye imbombo ukuti mubanje ni chakulya chicho chikunanganika, loli bombela ichakulya chicho chikupa ubumi ubwa bwila na bwila. Ichi chakulya chicho u Mwana uwa Muntu akwiza pakubapa pakuti u Chala Uwise weyuyo abikitepo papache ichimanyilo ichakusimikizya.”

1 Aba Kolinti 13:3

Napapo ningabagabila abapina ichuma chane chosi, nukwitikizya umubili wane ukuti ghochiwe pamoto, loli nanti inte nu lughano, pope ne wabulo.

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

Ukukumbusya Amalamulo 30:19

Ilelo kumwanya ni chisu ichapasi vibanje bakaboni bane ukuti nkubapa ulusako ulwa kusalapo, ubumi pamo ubufwe, ulusayo pamo ichighune. Salapo ubumi, umwakuti amwe na baluko lwinyu mube nubumi.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Yoshwa 24:22

Po u Yoshwa akababuzya akati, “Amwe mwe bakaboni pafundo iyakuti mwasala pakumubombela u Mwene.” Abantu bala bakitika bakati, “Momumo, aswe twe bakaboni.”