Luka 10:31 - IBAYIBOLO 2024

³¹ Kulusako, umuputi akendagha kuzila yilayila, loli bo amwennya umuntu yula akamupambata bulo.

Ulufingo Ulupya

³¹ Kulusako, umuputi akendagha kuzila yilayila, loli bo amwennya umuntu yula akamupambata bulo.

Luka 10:31 Iomraidhean Croise

2 Samuweli 1:6

Umulumendo yula akamwamula akati, “Ane nkaba pighamba ilya Gilibowa, po nkamwennya u Sabuli eghamiye kumpalala yache, bo ingolo izya bwite, sona na bantu babo bakakwela pafalasi bamwavwaniye.

Masalimo 142:4

Nkwennya kundilo kwane, atalipo nayumoyumo uwakumpasikizya. Ubuzilo ubwakuti ningavwamamo nabumobumo sona atalipo nayumoyumo yuyo akubupasikizya ubumi bwane.

Masalimo 69:20

Umusamu ghunughu wanvulazya nkani mumoyo, sona na maka ghope ghangwiliye. Nkalondagha nkani ngali umuntu yumo ampelele ichisa, loli intakamwaghapo nayumoyumo. Nkalondagha nkani ngali abantu bansangalusya, loli atakabapo umuntu nayumoyumo.

Ivyili 21:13

Nanti umuntu akwighalila amakutu ghache bo umupina akulila, wepe akwiza pakulila sona atakwiza pakwamuliwa.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 58:7

Nkimba te kugabana ichakulya nababo bali nizala, nukubasendela kunyumba yako babo bakwendenda bulo, nukubavwika babo bate namenda, nukubavwa abakamu bako?

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Hoseya 6:9

Ngati gho mavyondongo ghagho ghakuvwamilila abantu, momumo bope abaputi bakunangila. Bakubaghogha abantu pamusebo uwakubukila ku Shekemu, sona bakubomba ivintu ivikozya soni.

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Luka 10:30

U Yesu akamwamula akati, “Kukabako umuntu yumo, yuyo akikilagha ku Yeliko ukufuma mu Yelusalemu. Bo ali muzila, amavyondongo ghakamulema. Ghakamuvula amenda nukumukoma, ghakamuleka ali papipi pakufwa.

Luka 10:32

Umwakuyana bulo wepe umu Levi akiza pabuzilo bulabula, akamwennya umuntu yula nukumupambata bulo.

Luti 2:3

Po u Luti akabuka nukwanda pakusalala mwisinda mu binuli bala. Zikabombiwa ukuti akafika mumughunda uwa Bowazi, yuyo akaba waluko ulwa Elimeleki.