Luka 10:28 - IBAYIBOLO 2024

²⁸ U Yesu akamula akati, “Wamula akiza, bomba zinizi, po ukwiza pakuba nubumi.”

Ulufingo Ulupya

²⁸ U Yesu akamula akati, “Wamula akiza, bomba zinizi, po ukwiza pakuba nubumi.”

Luka 10:28 Iomraidhean Croise

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Ivyili 19:16

Umuntu yuyo akwivwila amalamulo akubusungilila ubumi bwache, loli yuyo akughasulannya amalamulo akwiza pakufwa.

Ezekiyeli 20:11

Nkabapa indaghilo zyane nukubalanjizya amalamulo ghane, ghagho umuntu nanti aghivwila akubanga nubumi.

Ezekiyeli 20:13

“ ‘Loli pope bulo abantu aba mu Izilayeli bakansambukila munkolongo. Batakazikonka indaghilo zyane loli bakaghakana amalamulo ghane napapo umuntu yuyo akughivwila akubanga nubumi. Bakaghanyazya Amasiku ghane Aghakutuzya. Po nkinong'onagha pakubapungulila ubukali bwane nukubanangannya munkolongo.

Ezekiyeli 20:21

“ ‘Loli abana babo bakansambukila, batakazikonka indaghilo zyane, sona batakabikilako umoyo pakukonka amalamulo ghane, ghagho nanti umuntu akughakonka akuba nubumi. Bakaghanyazya Amasiku ghane Aghakutuzya. Po nkwiza pakupungulila ubukali bwane papabo nukubakalalila munkolongo.

Aba Levi 18:5

Polelo musungilile inyiho ni ndaghilo zizyo nkubapa pakuti nanti umuntu wesi yuyo akubomba bunubu akwiza pakuba nubumi. Ane ne Mwene.”

Matayi 19:17

U Yesu akamula akati, “Nkimba choni chicho ukundalusya ukuti choni chicho chiza? Alipo bulo Weka yuyo mwiza. Konka amalamulo nanti ukulonda ubumi ubwa bwila na bwila.”

Maliko 12:34

U Yesu akennya ukuti umuntu yula akamula na mahala, po akamubuzya akati, “Ute kubutali nu Bumwene ubwa Chala.” Bo anena zinizi, nayumo umuntu yuyo akajimbagha umoyo pakumulalusya sona u Yesu.

Luka 7:43

U Simoni akamula akati, “Nkwinong'ona ukuti yuyo akamuhobokela inyinji.” U Yesu akati, “Wamula akiza.”

Aba Loma 10:4

Pakuti u Kilisitu amalizya Indaghilo, umwakuti umuntu wesi yuyo akusubila aneniwanje pakuba mugholosu pamaso pa Chala.

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

Aba Loma 7:10

po nkafwa. Sona amalamulo ghagho ghakabaghila pakwiza nubumi, loli ghakanyizila nu bufwe.

Aba Galatiya 3:12

Loli Indaghilo zitimite palwitiko, pakuti Amasimbo ghakuti, “Umuntu wesi yuyo akubomba zizyo Indaghilo izya Mozesi zikulonda akwiza pakuba nubumi.”

Ukukumbusya Amalamulo 6:24

U Mwene u Chala witu akatulamula ukuti tughakonkaye amalamulo ghache ghosi ghanagha, nukuti tumuchindikaye u Mwene u Chala witu umwakuti tubanje twe bakabi, sona nukuti tubanje nubumi ukuyana namumo zibeleye ilelo.