Luka 1:9 - IBAYIBOLO 2024

⁹ Ukuyana ni nyiho izya buputi, akasaliwa pakupanga amayele ukuti oche ivyakununkila pachighemo. Po akabuka mu Nyumba iya Chala,

Ulufingo Ulupya

⁹ Ukuyana ni nyiho izya buputi, akasaliwa pakupanga amayele ukuti oche ivyakununkila pachighemo. Po akabuka mu Nyumba iya Chala,

Luka 1:9 Iomraidhean Croise

1 Imbili 23:13

Abana aba Amulamu bakaba bo aba: U Aloni nu Mozesi: U Aloni poka na baluko lwache bakasaliwa pakwenelezya ivintu ivizelu. Bakabika ivyakwiyipa pamaso pa Mwene, bakamubombela u Mwene, sona bakabasaya abantu mwitabwa ilya Mwene bwila na bwila.

1 Imbili 6:49

Loli u Aloni poka na baluko lwache bo babo bakabika ivyakwiyipa ivyakocha nukufukizya utwakununkila pachighemo ukuyana ni mbombo yosi yiyo yikabombiwa mu Chipinda Ichizelu nkani. Bakabika ivyakwiyipa ivyakupepesezya imbibi izya ba Izilayeli ukuyana namumo u Mozesi umubombi uwa Chala akalamulila.

2 Imbili 26:16

Loli bo u Uziya aba na maka nkani, akanda pakwituvya umwakuti akinanga mwene. Atakaba musubiliwa kwa Mwene u Chala wache, po akinjila mu Nyumba iya Mwene pakufukuzya utwakununkila pachighemo.

2 Imbili 29:11

Mwee bamanyani bane, mutakakabaye, pakuti u Mwene abasala amwe ukuti mwimaye pamaso papache nukumubombela sona mufukizyanje utwakununkila.”

Ukubelengiwa 16:40

Ichi chikaba chimanyilo ichakubasoka aba Izilayeli ichakuti umuntu bulo yuyo ate waluko ulwa Aloni atakafukizyanje utwakununkila pachighemo pamaso pa Mwene lumo zingamuwila zizyo zikamuwila u Kola poka na bakonki bache. Zyosi zinizi zikabombiwa ukuyana namumo u Mwene akamulamulila u Eleyazala ukwendela mwa Mozesi.

Matayi 27:5

U Yudasi akasumba indalama zila pasi mu Nyumba iya Chala nukubuka. Po akabuka nukwipinyilila mwene.

Aba Hebeli 9:6

Bo bayannya ivintu vyosi vinivi, abaputi bakwinjila muchipinda ichakwanda chila isiku ni siku pakubomba imbombo zyabo izya chiputo.

1 Samuweli 2:28

Nkamusala umunyenya wako pakasi pa inko zyosi izya ba Izilayeli pakuba muputi wane, ukuti bambombele pachighemo chane, pakufukizya utwakununkila, sona nukuti bavwalaye u efodi pamaso papane. Sona nkabapa ubulaghili ubwakusungila ichigaba icha chakwiyipa ichakocha.