Luka 1:75 - IBAYIBOLO 2024

⁷⁵ umwakuti tungaba bazelu, sona bagholosu pamaso papache amasiku ghosi agha bumi bwitu.

Ulufingo Ulupya

⁷⁵ umwakuti tungaba bazelu, sona bagholosu pamaso papache amasiku ghosi agha bumi bwitu.

Luka 1:75 Iomraidhean Croise

Yesaya 43:21

Abantu babo nkimatila nemwene, ukuti bafumusyanje amapalo ghane!

Zekaliya 8:19

U Mwene Uwamaka Ghosi akuti, “Mutuzyanje pakulya umwezi uwafolo nu mwezi uwafayivi nu mwezi uwaseveni, po u mwezi uwa 10, gho ghubanje mwezi uwa ba Yuda uwalusekelo nukuhoboka. Polelo mubughanaye ubwanaloli sona nu mutende.”

Matayi 1:21

Akwiza pakupapa umwana umulumendo nukumwita ukuti we Yesu, pakuti weyuyo akwiza pakupoka abantu kumbibi zyabo.”

Luka 1:74

ukuti akwiza pakutupoka munyobe izya balwani bitu nukutwitikizya ukuti tumubombele umwakusita ubogha,

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Aba Efeso 4:24

sona muvwale ubuntu ubupya bubo u Chala akabupela muchifwani chache pakuba bugholosu, sona buzelu.

Ukukumbusya Amalamulo 6:2

umwakuti amwe poka na bana binyu, sona na bizukulu binyu mumuchindikaye u Mwene u Chala winyu nukukonka indaghilo zyache zyosi zizyo nkubapa amwe umwakuti mwikalaye akabalilo akatali muchisu chilachila.

1 Aba Tesalonika 4:1

Pabumalilo, bakamu bane, mukamanyila kukwitu mumo mubaghiye mwikalilaye, umwakuti mumuhobosye u Chala ukuyana namumo naloli mukwikalila. Po ilelo tukubalaba, nukubalambilizya nkani mwitabwa ilya Mwene u Yesu ukuti mubombaye bunubu ukuchilapo pakwanda.

1 Aba Tesalonika 4:7

U Chala atakatwitizya aswe ukuti tubombaye ubunyazu, loli ukuti tubanje bantu abazelu.

2 Aba Tesalonika 2:13

Loli aswe tubaghiye pakumupalizya u Chala akabalilo kosi pachifukwa icha mwemwe, bakamu bitu, mwemwe u Mwene abaghanite. Pakuti u Chala akabasala amwe po pabwandilo na maka agha Muzimu Umuzelu ukuti abapoke pakubapaghula pakuba bantu bache abazelu, pachifukwa icha kumusubila kwinyu mubwanaloli.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.