Luka 1:6 - IBAYIBOLO 2024

⁶ Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Ulufingo Ulupya

⁶ Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Luka 1:6 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 6:9

Ili lyo lipangwi ilya Nowa. U Nowa akaba muntu mugholosu, yuyo atakaba na kalema nakamokamo pakabalilo kache, sona akabombagha zizyo zikamuhobosyanga u Chala.

Ubwandilo 7:1

Po u Mwene akamubuzya u Nowa akati, “Injila mubwato awe na bamunyumba yako bosi chifukwa nakwagha ukuti wewe wemwene we ukubomba zizyo ngolosu munkulilo iyi.

1 Abamwene 15:5

Pakuti u Devedi akabomba ingolosu pamaso pa Mwene, sona akaghakonka amalamulo agha Mwene pakabalilo kosi aka bumi bwache, loli inongwa yene iya Uliya umu Hiti.

1 Abamwene 9:4

“Loli nanti awe ukubomba mubwanaloli na mubugholosu pamaso papane ngati mumo ughuso u Devedi akabombelagha, nukubomba zyosi zizyo nkukulamula pakughakonka amalamulo ni ndaghilo zyane,

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

2 Imbili 17:4

loli akabuzikizya kwa Chala uwa uwise nukukonka amalamulo ghache ukuchila inyiho izya mu Izilayeli.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 1:8

Po u Mwene akamulalusya u Satana akati, “Nkimba wamwennyapo umubombi wane u Yobu? Pachisu ichapasi patalipo nayumoyumo umuntu uwakuyana nawe. U Yobu ate nakalema nakamokamo sona we mugholosu, yuyo akunyila ane ne Chala, nukuzinyila imbibi.”

Yobu 9:2

“Naloli inzimenye ukuti zyanaloli. Nkimba umuntu yuyo akufwa, angaba bulibuli mugholosu pamaso pa Chala?

Masalimo 119:6

Po ntakwiza pakukoziwa isoni, bo nkughinong'ona amalamulo ghako ghosi.

Luka 1:7

Batakaba na bana pachifukwa ichakuti u Elizabeti akaba mughumba, sona yuyo nu Zekaliya bakaba baghosi.

Luka 16:15

U Yesu akanena nabo akati, “Mwighanite pakwinena mwebene ukuti mwe bagholosu pamaso pabantu, loli u Chala aghamenye amoyo ghinyu. Pakuti chicho abantu bakuti chapamwanya nkani, pamaso pa Chala chite ni mbombo nayimoyimo.

Luka 2:25

Pakabalilo kalakala kukabako umuntu yumo yuyo akaba we Simiyoni, yuyo akikalagha mu Yelusalemu. Akaba mugholosu, sona umuntu uwakumunyila u Chala. Akalindililagha akabalilo kako u Chala akwiza pakubapoka aba Izilayeli, sona u Muzimu Umuzelu akaba nawe.

Imbombo 2:25

Pakuti u Devedi akanena nizya yunuyu akati, ‘Nkamwennyanga akabalilo kosi u Mwene pamaso papane, pakuti ali kunyobe yane indilo, po ntakwiza pakuyingana.

Imbombo 23:1

U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.”

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Imbombo 8:21

Ute ni chigaba pamo ubuzilo mumbombo yitu pakuti umoyo wako ghute mugholosu pamaso pa Chala.

Aba Loma 8:4

U Chala akabomba zinizi ukuti ubwanaloli bubo Indaghilo izya Mozesi bukulonda buboneke mu aswe twe bantu babo tutakukonka ubuntu bwitu ubwa mbibi, loli tukumwivwila u Muzimu Umuzelu.

1 Aba Kolinti 11:2

Nkubapala amwe pakuti mukunkumbuka muvintu vyosi, sona mukukonka ivimanyisyo vivyo nkabalekela.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

Ukukumbusya Amalamulo 5:33

Mukonkaye bulo zyosi zizyo u Mwene u Chala winyu abalamuliye, umwakuti ivintu vyosi vibendelaye akiza, sona nukuti mwendelele pakuba nubumi ubutali muchisu chicho mukwiza pakwikalamo.

Aba Filipi 2:15

umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,

Aba Kolosi 1:22

Loli ilelo, ukwendela mu bufwe ubwa Mwana wache, u Chala abasayannya nawe, umwakuti mubanje bantu abazelu, sona mubanje basita chilema nachimochimo, pamo abasita nayimoyimo inongwa pantazi papache.

1 Aba Tesalonika 3:13

Bunubu akwiza pakughakazya amoyo ghinyu umwakuti mubanje bantu abasita chilema nachimochimo, sona na bazelu pamaso pa Chala u Tata witu, bo u Mwene witu u Yesu Kilisitu akwiza sona poka na bantu abache na bache abazelu.

2 Pitala 3:14

Polelo bamanyani bane abaghaniwa, bo mukulindilila isiku lila, muyezye nkani ukuti mubanje bantu abazelu na basita chilema nachimochimo pamaso pa Chala, sona mubanje mumutende nawe.

1 Yohani 2:29

Nanti muzimenye ukuti u Kilisitu mugholosu, kokuti muzimenye sona ukuti umuntu wesi yuyo akubomba ubugholosu, mwana wa Chala.

1 Yohani 2:3

Nanti tukukonka amalamulo agha Chala, kokuti chikulanjizya ukuti tuli nu lusubilo ulwakuti tumumenye.

1 Yohani 3:7

Mwee bana bane, patakabepo nayumo umuntu uwakubazimbula! Umuntu wesi yuyo akubomba chicho chigholosu wepe bulo mugholosu, ukuyana namumo u Kilisitu abeleye.