Luka 1:51 - IBAYIBOLO 2024

⁵¹ Abomba ivintu ivikulu nkani ni nyobe yache nukunyampannya abamituvyo ni mbatiko zyabo zyosi.

Ulufingo Ulupya

⁵¹ Abomba ivintu ivikulu nkani ni nyobe yache nukunyampannya abamituvyo ni mbatiko zyabo zyosi.

Luka 1:51 Iomraidhean Croise

Ubwandilo 11:8

U Mwene akabanyampanizizya muchisu chosi ichapasi, po bakaleka pakuzenga akaya kabo akakulu nkani kala.

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Masalimo 118:15

Teghelezya inyimbo izya bupoti muvisakasa ivya bagholosu zikuti, “Inyobe indilo iya Mwene yabomba ivintu ivikulu nkani!

Masalimo 33:10

U Mwene akuzivulungannyanga imbatiko izya inko imbibi, sona akuzipelagha pakuba zyabulo inyinong'ono izya luko.

Masalimo 52:9

Nkwiza pakukupala bwila na bwila, pachifukwa icha zizyo wabomba. Nkwiza pakulikwezya itabwa lyako pakuti lyiza, sona nkwiza pakukupala pamaso pabantu bako abazelu.

Masalimo 63:5

Umoyo wane ghukwiza pakuba ngati poghukwikuta ni vintu ivinoni, sona umulomo wane ghukwiza pakwimba, inyimbo izyakukupalizikizya.

Masalimo 89:10

Ukamutizannya u Ahabu ngati muntu umufwe. Namaka ghako amakulu nkani ukabanyampannya abalwani bako.

Masalimo 89:13

Inyobe yako yamaka, amaka ghako makulu sona ghapamwanya.

Masalimo 98:1

Mumwimbilaye u Mwene ulwimbo ulupya, pakuti abomba ivintu ivyakuswighisya. Inyobe yache indilo, sona inyobe yache izelu, vyamupa ubupoti.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Yesaya 40:10

Ennya, u Mwene Uwamaka Ghosi akwiza namaka, akwiza pakulaghila namaka ghache. Ennya, akwiza numuvwalo wache, sona alinavyo ivyakubahobosya vivyo vilongoleye muntazi.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Yesaya 63:12

yuyo na maka ghache agha buchindamu, ghakendagha nu Mozesi, yuyo akagaba amizi pamaso papabo, umwakuti amanyikwanje nitabwa ilya bwila na bwila,

Yelemiya 49:15

Nkwiza pakubapela pakuba banandi bulo pakasi pa inko zyosi, abantu bosi bakwiza pakubasamula.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

2 Aba Kolinti 10:5

Sona tukumongolannya nagho amadali, sona na mituvyo ghosi ghagho ghakukanizya abantu pakumumanya u Chala. Tukuzipela inyinong'ono zyosi ukuti zimwivwile u Kilisitu.

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”

Ubuvumbuli 18:8

Pachifukwa icha zinizi, iviwaya vikwiza pakumuwila pisiku lyoka, iviwaya ivya bubine nukulila, sona nizala. Akwiza pakulunguliziwa numoto pakuti u Mwene u Chala, yuyo akumulonga wamaka.